اسلام آباد۔23اپریل (اے پی پی):وزیرِ اعظم محمد شہباز شریف ٹیکس کیسز اچ دانستہ التوا دا نوٹس گھندے ہوئیں چیف کمشنر ان لینڈ ریونیو اسلام آباد اتے انہاں دے متعلقہ سارے افسراں کوں معطل کرݨ تے انکوائری دا حکم ݙے ݙتے۔ وزیراعظم آفس دے میڈیا ونگ توں جاری بیان موجب وزیرِ اعظم چیف کمشنر ان لینڈ ریونیو اسلام آباد تے انھاں دے نال متعلقہ سارے افسراں کوں معطل کرتے وختی …
ٹیکس کیسز اچ دانستہ التوا دا نوٹس، وزیرِاعظم محمد شہباز شریف دا چیف کمشنر ان لینڈ ریونیو اسلام آباد تے متعلقہ افسراں کوں معطل کر تےانکوائری دا حکم
مزید خبراں
اسلام آباد۔23اپریل (اے پی پی):وزیرِ اعظم محمد شہباز شریف ٹیکس کیسز اچ دانستہ التوا دا نوٹس گھندے ہوئیں چیف کمشنر ان لینڈ ریونیو اسلام آباد اتے انہاں دے متعلقہ سارے افسراں کوں معطل کرݨ تے انکوائری دا حکم ݙے ݙتے۔ وزیراعظم آفس دے میڈیا ونگ توں جاری بیان موجب وزیرِ اعظم چیف کمشنر ان لینڈ ریونیو اسلام آباد تے انھاں دے نال متعلقہ سارے افسراں کوں معطل کرتے وختی انکوائری دا حکم ݙے ݙتے۔ وزیرِ اعظم حکومت سنبھلیندے ہی ایف بی آر اصلاحات دے وختی تے فوری نفاذ دی ہدایات جاری کریندے ہوئیں ذاتی طور تے ایں عمل دی نگرانی کرݨ دا فیصلہ کیتا ہئی ۔بیان موجب ٹیکس ٹربیونلز اچ ایں ویلھے حکومت دے سینکڑاں ارب روپے دے کیسز زیر سماعت ہن، وزیرِ اعظم چیف جسٹس آف پاکستان توں انہاں کیس دے وختی نبیڑݨ دی درخواست کیتی ہئی ، ہݨے ہی اسلام آباد اچ ایف بی آر دے وکیل دی طرفوں عدالت اچ ایجھے ہی ھک کیس دی تاریخ اچ تاخیر دی استدعا تے وزیرِ اعظم نوٹس ڳھدا۔ بیان موجب وزیراعظم متعلقہ حکام کوں وختی واقعہ دی انکوائری دی ہدایت وی کیتی اے ۔ وزیراعظم محمد شہباز شریف آکھیے قومی خزانے دے سینکڑاں ارب روپے قانونی جھیڑے پاروں پتھے پئن ایں حوالے نال کہیں وی قسم دی لاپرواہی اتے وسلائی قبول نہ کریساں ۔ آپݨے عوام نال کیتے ڳئے عہد دے تحت ٹیکس نظام اچ اصلاحات دی خود نگرانی کریندا پیاں ۔ ملک و قوم دی ھک ھک پائی بچاوݨ تے محصولات اچ ودھارے سانڳے ݙینھ رات محنت کرݨی ہوسی۔
