لاہور۔23اپریل (اے پی پی) وزیر اعلی پنجاب مریم نواز گورنر ہاؤس اچ ایران دے صدر ابراہیم رئیسی اتے انہاں دی اہلیہ نال ملاقاتاں کیتی اتے وفد دے اعزاز اچ ظہرانہ اچ روایتی دیسی کھاݨے نال تواضع کیتی ڳئی۔ وزیر اعلی مریم نواز ایران دے صدر ابراہیم رئیسی، انہاں دی اہلیہ جمیلہ علم الہدی دا لاہور آوݨ تے شکریہ ادا کیتا۔ ایرانی صدر اتے ٻئے وفد کوں لاہور اچ خوش آمدید آکھیا اتے اسلامی انقلاب دی 45 ویں سالڳنڈھ تے مبارخ ݙتی۔ وزیر اعلی پنجاب آکھیا جو پاکستان ایران دوستی دی تاریخ کئی عشریاں دی اے۔ ایران نال غریبی مکاوݨ کیتے اقتصادی مںصوبیاں تے کم کرݨ چاہندوں۔ ایرانی صدر ابراہیم رئیسی اتے انہاں دی اہلیہ جمیلہ علم الہدی پرتپاک استقبال تے وزیر اعلی پنجاب دا خصوصی شکریہ ادا کیتا۔سینئر صوبائی وزیر مریم اورنگزیب، سینیٹر پرویز رشید، وزیر اطلاعات عظمی زاہد بخاری، وزیر خزانہ مجتبی شجاع الرحمن، صوبائی وزیر سیکنڈری ہیلتھ کیئر اینڈ میڈیکل ایجوکیشن خواجہ سلیمان رفیق، صوبائی وزیر خوراک بلال یاسین، صوبائی وزیر انڈسٹریز چوہدری شافع حسین، چیف سیکرٹری، انسپکٹر جنرل پولیس، لاہور اچ تعینات ایرانی قونصل جنرل مہران مواحدفر اتے ٻئے حکام شریک تھیے۔
