حکومت ملیریا دی روک تھام اتے خاتمے کیتے مناسب اقدامات کریندی پئی اے، وزیراعظم دا ملیریا دے جڳ ݙیھاڑ تے سنیھا

اسلام آباد۔25اپریل  (اے پی پی) وزیراعظم محمد شہباز شریف آکھیا جو اساکوں صحت دی ݙیکھ بھال دے نظام کوں مضبوط ٻݨاوݨ، معیاری تشخیص اتے علاج تئیں رسائی ودھاوݨ اتے ملیریا کوں روکݨ کیتے آگہی اتے آپسی تعاون نال کرݨ دی لوڑھ اے۔ بھرپور سیاسی عزم ، حکمت عملی اتے  مناسب سرمایہ کاری نال اساں ملیریا توں پاک دنیا دا سانجھا مقصد حاصل کر سڳدوں۔ خمیس کوں ملیریا دے جڳ ݙیھاڑ تے آپݨے سنیھے اچ وزیراعظم آکھیا جو ملیریا دا جڳ ݙیھاڑ مناوݨ اچ پاکستان باقی دنیا نال شامل اے۔ ایں سال ملیریا دے جڳ ݙیھاڑ دے موضوع دے مطابق ملیریا دے خلاف جنگ اچ سارے سٹیک ہولڈرز ،  پالیسی سازاں، ڈونرز، ہیلتھ کیئر سودھے زندگی دے سارے شعبیاں توں تعلق رکھݨ آلے بندیاں کوں ملیریا دے خلاف جنگ اچ نال تھیوݨے۔ انہاں آکھیاجو حکومت   ملیریا  دی  روک تھام اتے خاتمے کیتے مناسب اقدامات کریندی پئی اے۔