اسلام آباد۔25اپریل (اے پی پی) پاکستان امریکی محکمہ خارجہ ولوں انسانی حقوق دے طریقیاں اتے اڄوکی جاری تھئی 2023 دی کنٹری رپورٹ کوں مسترد کریندیں ہوئیں رپورٹ دے مندرجات کوں غیر منصفانہ، غلط معلومات تے مبنی اتے زمینی حقیقت دے برعکس قرار ݙتے۔ دفتر خارجہ دی ترجمان ولوں خمیس کوں جاری بیان اچ آکھیا ڳئیا جو امریکی محکمہ خارجہ دی ایجھی غیر مطلوب رپورٹس دی تیاری سالانہ مشقاں اچ معروضیت دا فقدان اے اتے انہاں دے طریقہ کار اچ فطری طور خامیاں ہن۔ بیان موجب اے رپورٹس ݙوجھے ملکاں اچ سیاسی طور متعصبانہ انداز اچ انسانی حقوق دا فیصلہ کرݨ کیتے ڈومسٹیک سوشل لینز دا استعمال کریندن۔ ایں سال دی رپورٹ اچ معروضیت دی ڳھٹکی اتے ہک واری ولا بین الاقوامی انسانی حقوق دے ایجنڈے کوں سیاسی ٻݨاوݨ نشابر اے۔ بیان موجب غزہ دی تشویشناک صورتحال، انسانی امداد کوں ہتھیار ٻݨاوݨ اتے 33 ہزار توں ودھ شہریاں دے قتل عام کوں صرف سیاسی طور محرک رپورٹ ای نظر انداز کر سڳدی اے۔ غزہ اچ جاری نسل کشی تے امریکہ دی چپ انسانی حقوق بارے نام نہاد ملکاں دی رپورٹاں دے پچھوں بیان کیتے ڳئے مقاصد دے خلاف اے۔
