لاہور سودھے پنجاب دے مختلف علاقیں اچ مینھ ، پی ڈی ایم اے دی  ڈپٹی کمشنرز کوں الرٹ رہݨ دی ہدایت

لاہور۔29اپریل(اے پی پی) لاہور سودھے پورے پنجاب دے مختلف ضلعیں اچ مینھ پاروں ڈی جی پی ڈی ایم اے عرفان علی کاٹھیا ڈپٹی کمشنرز کوں الرٹ رہݨ دی ہدایات جاری کرݙتن ۔ ترجمان پی ڈی ایم اے  موجب ہنگامی صورتحال نال نبݨݨ سانڳے متعلقہ محکمیں تے صوبائی کنٹرول روم سودھے سارے ضلعیں دے ڈسٹرکٹ ایمرجنسی آپریشن سنٹرز کوں وی الرٹ کرݙتا ڳئے ۔پی ڈی ایم اے کنٹرول روم اچ صورتحال دی مانیٹرنگ 24/7 جاری اے،1122 سودھے ٻئے ریسکیو ادارے مشینری سودھے عملے کوں الرٹ رہݨ دی ہدایت کیتی ڳئی اے ۔ انہاں آکھیے مینھ وسݨ دا اے سلسلہ کل (30 اپریل ) تئیں مکݨ دا امکان اے ۔ شہری مدد سانڳے پی ڈی ایم اے دی ہیلپ لائن 1129 تے کال کرسڳدن۔