وزیراعظم شہباز شریف دا استنبول اچ شدید سیلاب نال قیمتی جاناں دے ضیاع اتے تباہی تے افسوس

اسلام آباد۔16 اکتوبر(اے پی پی)وزیراعظم شہباز شریف استنبول اچ شدید سیلاب نال قیمتی جاناں دے ضیاع اتے تباہی تے ݙاݙھا افسوس کیتے۔ سماجی رابطے دی ویب سائٹ “ایکس” تے اپݨی پوسٹ اچ وزیراعظم آکھیا جو میں استنبول اچ شدید سیلاب نال تھیوݨ آلے قیمتی جاناں دے ضیاع اتے تباہی تے ݙکھی ہاں، میں صدر رجب طیب اردوان اتے سوگوار ٹٻڑاں کؤں پرچاوݨی ݙینداں۔ انہاں زخمیاں دی تیکھے صحتیابی اتے لاپتہ لوکاں دی بحفاظت بازیابی دی دعا کریندے ترک عوام نال یکجہتی ݙکھیندے آکھیے جو ایں اوکھے ویلھے ترکیہ کوں ہر ممکن مدد ݙیوݨ کوں تیار ہیں۔