نیویارک۔7جون (اے پی پی) انٹرنیشنل کرکٹ کونسل ولوں آئی سی سی مینز ٹی 20 ورلڈ کپ کل چھݨ چھݨ ٻئے چار میچ کھیݙیے ویسن۔ پہلا میچ گروپ سی دی ٹیماں نیوزی لینڈ اتے افغانستان وچال پروویڈنس سٹیڈیم، گیانا اچ کھیݙیا ویسی۔ ݙوجھے میچ اچ گروپ ڈی دی ٹیماں سری لنکا اتے بنگلہ دیش آپت اچ کھیݙیسن جیڑھا جو گرینڈ پریری سٹیڈیم، ڈلاس اچ کھیݙیا ویسی۔ تریجھا میچ گروپ ڈی دی ٹیماں نیدرلینڈز اتے جنوبی افریقا وچال ناساؤ کاؤنٹی انٹرنیشنل کرکٹ سٹیڈیم، نیویارک اچ کھیݙیا ویسی۔ چوتھا میچ گروپ بی دی ٹیماں آسٹریلیا اتے انگلینڈ وچال کینسنگٹن اوول، برج ٹاؤن، بارباڈوس اچ کھیݙیا ویسی۔
