اسلام آباد۔30جولائی (اے پی پی) سپیکر قومی اسمبلی سردار ایاز صادق نال دولت مشترکہ دی سیکرٹری جنرل پیٹریشیا اسکاٹ لینڈ ملاقات کیتی جئیں اچ دولت مشترکہ دے رکن ملکاں وچال تعاون ودھاوݨ سودھے آپسی دلچسپی دے معاملیاں تے ڳالھ مہاڑ کیتی ڳئی۔ سپیکر قومی اسمبلی آکھیا جو دولت مشترکہ عالمی شراکت داری دے ودھارے دا اہم فورم اے۔رکن ملکاں اچ پارلیمانی، اقتصادی تے سماجی شعبیاں اچ تعاون دے ٻہوں موقع موجود ہن۔ پارلیمنٹ کوں مضبوط کرݨ اچ سپیکر دے طور ٻہوں کم کیتن۔ قانون سازی اچ سپورٹ کیتے لیجسلیٹو ڈرافٹنگ کونسل ڳھن آئے۔ سپیکر آکھیا جو پارلیمانی فرینڈشپ گروپس ، ایس ڈی جیز ٹاسک فورس ، ٻالاں کیتے انٹرنشپ پروگرام انہاں کماں دا حصہ اے۔ ملاقات اچ مصنوعی ذہانت (اے آئی) خصوصی طور قانون سازی دے شعبے اچ ایندے استعمال تے ڳالھ مہاڑ کیتی ڳئی۔ دولت مشترکہ دی سیکرٹری جنرل پرتپاک استقبال اتے مزمان نوازی تے سپیکر قومی اسمبلی دا شکریہ ادا کیتا۔ ملاقات اچ قومی اسمبلی اچ موجود پارلیمانی فورمز دے سربراہان ، اراکین اسمبلی اتے پرائم منسٹر یوتھ پروگرام دے سربراہ شریک تھیے۔(
