اسلام آباد۔7اگست(اے پی پی)وزیراعظم محمد شہباز شریف آکھیے جو حکومت ٹیلی کمیونیکیشن دی ترقی اچ ردھی ہوئی اے، دور پار دے علاقیاں اچ تیزتر انٹرنیٹ سانڳے اقدامات تھیندے پن۔ اے ڳالھ انہاں اسلام آباد اچ ممبر بورڈ آف ڈائریکٹرز وی آن گروپ سر برینڈن لیوس دی اڳواݨی اچ ملݨ آلے وفد نال الیندے آکھی۔ وزیراعظم اسلام آباد اچ تھیوݨ آلی ڈیجیٹل نیشنل کانفرنس اچ شرکت تے وی آن گروپ دا …
حکومت ٹیلی کمیونیکیشن دی ترقی اچ ردھی ہوئی اے، دور پار دے علاقیاں اچ تیزتر انٹرنیٹ سانڳے اقدامات تھیندے پن، وزیراعظم شہباز شریف
مزید خبراں
اسلام آباد۔7اگست(اے پی پی)وزیراعظم محمد شہباز شریف آکھیے جو حکومت ٹیلی کمیونیکیشن دی ترقی اچ ردھی ہوئی اے، دور پار دے علاقیاں اچ تیزتر انٹرنیٹ سانڳے اقدامات تھیندے پن۔ اے ڳالھ انہاں اسلام آباد اچ ممبر بورڈ آف ڈائریکٹرز وی آن گروپ سر برینڈن لیوس دی اڳواݨی اچ ملݨ آلے وفد نال الیندے آکھی۔ وزیراعظم اسلام آباد اچ تھیوݨ آلی ڈیجیٹل نیشنل کانفرنس اچ شرکت تے وی آن گروپ دا شکریہ ادا کریندے آکھیے جو حکومت ملک اچ ٹیلی کمیونیکیشن دے شعبے دی ترقی اتے دور پار علاقیاں اچ تیز تر موبائل انٹر نیٹ دی فراہمی ترجیح اے، وی آن/جیز گروپ پاکستانی معیشت دی ترقی اتے ٹیلی کمیونیکیشن دے شعبے سودھا رابطے ودھاوݨ اچ اہم کردار ادا کیتے۔ وفد ڈیجیٹل پاکستان انیشیٹو اچ دلچسپی ݙکھیندے پاکستانی معیشت کوں ݙیجیٹلائز کرݨ تے وزیراعظم دے وژن دی تعریف کیتی۔ ملاقات اچ وزیر مملکت برائے انفارمیشن ٹیکنالوجی و ٹیلی کام شزا فاطمہ خواجہ اتے متعلقہ اعلیٰ سرکاری افسران وی موجود ہن۔
