صدرِ مملکت آصف علی زرداری نال یورپی کمشنر برائے داخلی امور میگنس برونر دی ملاقات

اسلام آباد۔13 اکتوبر (اے پی پی) صدرِ مملکت آصف علی زرداری نال یورپی کمشنر برائے داخلی امور و مائیگریشن میگنس برونر ملین۔ انہاں پاکستان اتے یورپی یونین دے تعلقات، نقل مکانی دے انتظام، انسانی سمگلنگ اتے تارکینِ وطن دی غیر قانونی سمگلنگ روکݨ کیتے تعاون اتے قانونی نقل مکانی اچ سوکھ ݙیوݨ دے مواقع تے الایا۔ صدر مملکت آکھیا جو پاکستان قانون سازی ٻئی مضبوط ٻݨاوݨ، ادارہ جاتی استعداد ودھاوݨ، سرحدی کنٹرول مؤثر ٻݨاوݨ اتے الاقوامی تعاون نال انسانی سمگلنگ اتے غیر قانونی نقل مکانی روکݨ کیتے پرعزم اے۔ انہاں آکھیا جو مسلسل رابطیاں نال باہمی افہام و تفہیم ودھسی اتے نقل و حرکت دے شعبیاں اچ عملی تعاون اڳو تے ٹرسی۔ یورپی کمشنر میگنس برونر علاقائی توازن برقرار رکھݨ کیتے پاکستان دی تعریف کریندے آکھیا جو پاکستان ایں سانڳے غیر معمولی کم کیتے۔ یورپی یونین دے پاکستان اچ سفیر رائمونڈاس کاروبلس، ڈائریکٹوریٹ جنرل برائے مائیگریشن اینڈ ہوم افیئرز دے ڈائریکٹر ہنریک نیلسن، گریگوریوس ڈیلاویکوراس اتے کمشنر میگنس برونر دے کابینہ رکن لوکاس گاسنر وی انہاںد ے نال ہن، ملاقات اچ وفاقی وزیرِ داخلہ و انسدادِ منشیات سید محسن رضا نقوی، وزیرِ مملکت برائے داخلہ و انسدادِ منشیات طلال چوہدری، سینیٹر شیری رحمان، سینیٹر سلیم مانڈوی والا اتے سابق وفاقی وزیر نوید قمر وی موجود ہن۔