اسلام آباد۔28اگست(اے پی پی)صدر مملکت آصف علی زرداری سندھ اچ کرکٹ دے ودھارے کیتے ہک جامع طویل المدتی روڈ میپ ݙیوݨ تے زور ݙیندے آکھیے جو سندھ دے نینگراں کوں جدید کوچنگ، جدید کرکٹ اسٹیڈیمز ٻݨاوݨ کیتے مشترکہ منصوبیاں دی لوڑھ اے۔ ایوان صدر دے پریس ونگ آکھیے جو صدر مملکت آصف علی زرداری سندھ پریمیئر لیگ (ایس پی ایل) دے وفد نال ملین۔ انہاں سندھ اچ کرکٹ دے بنیادی …
سندھ دے نینگراں کوں جدید کوچنگ، جدید کرکٹ اسٹیڈیمز ٻݨاوݨ کیتے مشترکہ منصوبیاں دی لوڑھ اے، صدر مملکت آصف علی زرداری
اسلام آباد۔28اگست(اے پی پی)صدر مملکت آصف علی زرداری سندھ اچ کرکٹ دے ودھارے کیتے ہک جامع طویل المدتی روڈ میپ ݙیوݨ تے زور ݙیندے آکھیے جو سندھ دے نینگراں کوں جدید کوچنگ، جدید کرکٹ اسٹیڈیمز ٻݨاوݨ کیتے مشترکہ منصوبیاں دی لوڑھ اے۔ ایوان صدر دے پریس ونگ آکھیے جو صدر مملکت آصف علی زرداری سندھ پریمیئر لیگ (ایس پی ایل) دے وفد نال ملین۔ انہاں سندھ اچ کرکٹ دے بنیادی ڈھانچے، تربیتی سہولتاں اتے کرکٹ ٹیلنٹ ودھاوݨ تے زور ݙیندے آکھیے جو سندھ پریمیئر لیگ سندھ دا کرکٹ ٹیلنٹ اڳونہا کرݨ کیتے وݙا پلیٹ فارم اے، کھیݙاں اتے کرکٹ لیگز کراوݨ نال کھیݙاں دی سیاحت، معاشی سرگرمیاں ودھسن۔ وفد صدر مملکت کوں سندھ اچ کرکٹ دے ودھارے، لیگ کرکٹ دی اہمیت اتے سندھ پریمیئر لیگ دے افتتاحی سیزن دی کامیابیاں دا ݙسایا۔ صدر مملکت سندھ اچ کرکٹ دی حوصلہ افزائی کیتے سہولتاں ݙیوݨ دا یقین ݙیوائے اتے آکھیے جو سندھ حکومت اتے پاکستان کرکٹ بورڈ کوں سندھ اچ کرکٹ دا بنیادی ڈھانچہ بہتر ٻݨآوݨ کتیے ہتھ ونݙاوݨ دا آکھساں۔ چھیکڑ تے سندھ پریمیئر لیگ دے وفد صدر مملکت کوں ایس پی ایل دی شرٹ وی ݙتی۔
