وزیراعظم شہباز شریف دا رحمان بابا ایکسپریس حادثے اچ قیمتی جاناں دے ضیان تے افسوس

اسلام آباد۔13 اکتوبر (اے پی پی) وزیراعظم محمد شہباز شریف ملتان اچ رحمان بابا ایکسپریس ٹرین حادثے اچ قیمتی جاناں دے ضیان تے دلی افسوس کیتے، وزیراعظم حادثے اچ جاں بحق تھیوݨ آلیاں دے لواحقین نال دلی تعزیت دا اظہار اتے زخمی تھیوݨ آلیاں دی جلد صحتیابی دی دعا کیتی۔ منگل کوں وزیراعظم آفس دے میڈیا ونگ توں جاری بیان موجب وزیراعظم رحمان بابا ایکسپریس ٹرین دیاں بوگیاں پٹڑی توں لہہ ون٘ڄݨ دے واقعے دا نوٹس گھندے ہوئیں زخمیاں کوں فوری تے بہترین طبی سہولتاں فراہم کرݨ دی ہدایت کیتی۔ وزیراعظم متعلقہ حکام کوں ہدایت کیتی جو امدادی کارروائیاں تیز کیتیاں ون٘ڄن تے زخمیاں کوں ہر ممکن طبی امداد فراہم کیتی ون٘ڄے۔