دیر بالا، پاتراک میدان دی جاہ تے لینڈ سلائیڈنگ ، 12 بندے جاں بحق

پشاور۔ 30 اگست (اے پی پی) خیبر پختونخوا دے ضلع دیر بالا دے علاقے پاتراک میدان دی جاہ تے لینڈ سلائیڈنگ توں گھر ڈھݨ پاروں ھکے خاندان دے 12 بندے جاں بحق تھی ڳئن ۔ ڈسٹرکٹ ایمرجنسی افسر ریسکیو 1122 دیر بالا عنایت علی شاہ موجب پاتراک اچ میدان دی جاہ تے مسلسل مینھ وسݨ پاروں لینڈ سلائیڈنگ دے نتیجے اچ ھک گھر پورا ڈھہہ ڳئے جیں اچ موجود 12 لوک تلوں آوݨ دی اطلاع ملی ۔ریسکیو 1122 اتے مقامی لوکاں دی مدد نال سرچ آپریشن شروع کیتا ڳئے ۔ ریسکیو 1122 ملبے تلوں 12 لوکاں دیاں لاشاں کڈھئن ۔ جاں بحق تھیوݨ آلیں اچ تریمتاں تے ٻال وی شامل ہن ۔ ریسکیو 1122 لاشاں ایمبولینس اچ ہسپتال منتقل کرݙتیاں۔ ڈسٹرکٹ ایمرجنسی افسر دی نگرانی اچ سرچ اینڈ ریسکیو آپریشن مکمل کیتا ڳئے