اسلام آباد۔30اگست (اے پی پی) وزیراعظم محمد شہباز شریف بنگلہ دیش اچ چھل توں تھیوݨ آلی تباہی تے بنگلہ دیش دی حکومت اتے عوام نال ہمدردی دااظہارکیتے۔ وزیراعظم آفس دے میڈیا ونگ توں جاری بیان موجب وزیراعظم محمد شہبازشریف تے عوامی جمہوریہ بنگلہ دیش دی حکومت دےچیف ایڈوائزر پروفیسر محمد یونس ٹیلی فون تے ڳالھ مہاڑ کیتی ۔ وزیراعظم محمد شہباز شریف پروفیسر محمد یونس کوں چیف ایڈوائزر دا …
وزیراعظم شہباز شریف دی چھل توں تھیوݨ آلی تباہی تے بنگلہ دیش دی حکومت اتے عوام نال اظہار ہمدردی
اسلام آباد۔30اگست (اے پی پی) وزیراعظم محمد شہباز شریف بنگلہ دیش اچ چھل توں تھیوݨ آلی تباہی تے بنگلہ دیش دی حکومت اتے عوام نال ہمدردی دااظہارکیتے۔ وزیراعظم آفس دے میڈیا ونگ توں جاری بیان موجب وزیراعظم محمد شہبازشریف تے عوامی جمہوریہ بنگلہ دیش دی حکومت دےچیف ایڈوائزر پروفیسر محمد یونس ٹیلی فون تے ڳالھ مہاڑ کیتی ۔ وزیراعظم محمد شہباز شریف پروفیسر محمد یونس کوں چیف ایڈوائزر دا عہدہ سنبھالݨ تے مبارخ ݙتی تے بنگلہ دیش دی سماجی و اقتصادی ترقی اچ انھاں دے کردار دی تعریف کیتی ، انھاں بنگلہ دیش اچ اجوکی چھل توں تھیوݨ آلی تباہی تے بنگلہ دیش دی حکومت اتے عوام نال ہمدردی کیتی اے ۔ وزیراعظم مختلف شعبیں اچ تعاون ودھاݨ دے ذریعے ݙوپاسے تعلقات مزید چنڳے کرݨ دی اہمیت تے زور ݙتا ۔ پاکستان تے بنگلہ دیش وچال تاریخی، مذہبی اتے ثقافتی رشتیں دا ذکر کریندے وزیراعظم ݙوہیں ملکاں وچال تجارتی تعلقات، ثقافتی تبادلیں تے عوام وچال رابطے ودھاوݨ دی خواہش ظاہرکیتی ، ݙوہیں رہنماواں اتفاق کیتے جو پاکستان تے بنگلہ دیش دے عوام دی ترقی تے خوشحالی سانڳے رل تے کم کرݨ دی لوڑھ اے ، انھاں مزید اتفاق کیتے جو وسیع تر علاقائی تعاون جنوبی ایشیا دے لوکاں دی زندگیاں کوں چنڳاں بݨاوݨ اچ اہم کردار ادا کرسڳدے ۔ پروفیسر محمد یونس ٹیلی فون کال تے وزیراعظم دا شکریہ ادا کیتا
