صحت مند زندگی گزارݨ سانڳے ضروری علم ، وسائل تئیں رسائی یقینی بݨاوݨ ساݙی اجتماعی ذمہ واری اے، سید یوسف رضا گیلانی

اسلام آباد۔1ستمبر(اے پی پی) چیئرمین سینیٹ سید یوسف رضا گیلانی آکھیے صحت ھک بنیادی حق اے ، صحت مند زندگی گزارݨ سانڳے ضروری علم اتے وسائل تئیں رسائی یقینی بݨاوݨ ساݙی اجتماعی ذمہ واری اے۔ ٹائن انٹرنیشنل دے اہتمام نال صحت متعلق آگاہی سیمینار توں خطاب کریندے انھاں ٹائن انٹرنیشنل دی نمایاں کامیابیاں، صحت اتے تندرستی سانڳے غیرمتزلزل عزم تے دلی مبارخ ݙیندے آکھیے اے سیمینار ٹائن انٹرنیشنل دی صحت متعلق آگاہی اتے فلاح و بہبود کوں ودھارا ݙیوݨ سانڳے جاری کوششاں دا منہ ٻولیندا ثبوت اے ۔ سید یوسف رضا گیلانی آکھیے روایتی چینی دوائیں تے طریقہ علاج کوں ودھارا ݙیوݨ سانڳے ٹائن انٹرنیشنل  دی لگن لاتعداد لوکاں دیاں زندگیاں تے چنڳاں اثرپاتےتے صحت متعلق مسئلیں نال نبݨݨ تے توجہ تعریف دے قابل اے ، ٹائن انٹرنیشنل  دیاں کوششاں ساݙے قومی صحت دے مقصد نال ہم آہنگ ہن۔ چیئرمین سینیٹ مزید آکھیے صحت مندانہ ماحول دا ودھارا ساݙی قوم دی اقتصادی ترقی اتے خوشحالی اچ معاون ثابت تھیسی ۔عوامی ترقی دی تعلیم ھک اہم شعبہ اے، جتھاں ٹائن انٹرنیشنل کوں سبقت حاصل اے۔ صلاحیت نکھارݨ دے تربیتی پروگراماں دے ذریعے نینگراں دی سماجی حالت بہتر بݨاوݨ اچ ٹائن انٹرنیشنل اہم کردار ادا کریندا پئے ۔سید یوسف رضا گیلانی اپݨے خطاب اچ آکھیے آندیاں نسلاں کوں دنیا دے چیلنج نال نبݨݨ سانڳے مہارتاں تے علم توں آراستہ کرݨ اہم اے ۔ اساں پاکستان دا 77 واں یوم آزادی وی منیندے پیوں تے اے ساݙے دِلاں کوں حب الوطنی دے جذبات نال بھرݙیندے ۔ آؤ آپݨے وݙ وݙیریں دیاں قربانیاں یاد رکھوں تے ھک تکڑا، زیادہ متحد پاکستان دی تعمیر سانڳے آپݨے عزم دی تجدید کروں۔ بعد اچ چیئرمین سینیٹ لیاقت جمنیزیم اچ قائم فٹنس سینٹر دا وی دورہ کیتا ۔ واضح رہے جو بلاک دا افتتاح سید یوسف رضا گیلانی بطور وزیراعظم کیتا ہئی۔