ہٹیاں بالا۔ 29 مئی (اے پی پی)وفاقی وزیر اطلاعات تے نشریات سینیٹر پرویز رشید آکھیا جو بدعنوانی توں پاک اتے جدید سہولتاں توں آراستہ پاکستان وزیر اعظم محمد نواز شریف دا وژن اے ،ہٹیاں بالاں اچ جدید پاسپورٹ آفس دا قیام اوندی ہک مثال اے،پرویز مشرف سبز پاسپورٹ دی عزت کوں خاک اچ ملا ڈتے اتے دہشت گردی اتے ڈرون حملیاں دا تحفہ ڈتا،نواز شریف پاکستان پاسپورٹ دی عزت بنڑائی،10ہزار میگاواٹ بجلی پیدا کرنڑ دے کارخانیاں تے کم 2017ء دے آخر اتے 2018ء دے چھیکڑ تئیں پورا کر گھدا ویسی،2016ء دا آزاد کشمیر دا الیکشن سڑکاں بنڑاونڑ اتے سڑکاں تے آونڑ آلیاں اچ ہوسی۔اے گالھ انہاں ہٹیاں بالا اچ پاکستان مسلم لیگ نون دے ورکرز کنونشن نال خطاب کریندیں ہوئیں آکھی۔انہاں آکھیا جو کجھ لوکاں کوں نقل دی عادت اے اتے او نواز شریف دی نقل کرنڑ چاہندن جڈانجو نقل سانگے عقل دی لوڑھ ہوندی اے۔وزیر اطلاعات آکھیا جو جڈاں 2013ء اچ نواز شریف وزیر اعظم بنڑے تاں اوں ویلھے ملک اچ بجلی دی گھٹکی ہئی،وزیر اعظم تھرپارکر گئے تاں اتے تھرپارکر اچ کوئلے نال بجلی بنڑاونڑ آلے کارخانے لاونڑ دا بندوبست کیتے۔وفاقی وزیر اطلاعات آکھیا جو نواز شریف 10ہزار میگاواٹ بجلی پیدا کرنڑ دا کم شروع کروا رکھیے اتے اوں ویلھے پنج ہزار میگاواٹ دی گھٹکی اے۔انہاں آکھیا جو اسان 10ہزار میگاواٹ بجلی پیدا کرنڑ ویندے پئیوں جئیں نال سستی بجلی ملسی،لوکاں کوں روزگار ملسی اتے کارخانے چلسن ۔
