8 اسلام آباد۔12جنوری (اے پی پی) دسمبر 2024 کوں قومی اخباراں اچ شائع تھیوݨ آالے اشتہار کیتے نتیجے اچ اکادمی کوں ملک بھر توں 209 اہلِ قلم دیاں درخواستاں موصول تھئین ۔ درخواستاں دی جانچ پڑتال کیتے کہنہ مشق اہلِ قلم تے مشتمل ہک کمیٹی ٻݨائی گئی اے ۔کمیٹی پاکستان دے مختلف صوبیاں /خِطے دی نمائندگی، مضافاتی ادیباں دی ترجیح، مطبوعات دا معیار/مقدار ، صنفی توازن، اقلیتاں دی نمائندگی، عمر دی حد، خصوصی افراد دی نمائندگی وغیرہ وانکنڑ ڈھیر امور پیشِ نظر رکھیا گئے تے اخیر اچ ویھ (20) اہلِ قلم خواتین تے حضرات کوں منتخب کیتا گیااے ۔اقامتی منصوبے اچ شرکاء کئی اداریاں دا دورہ کریسن، تفریحی جہیں دی سیر کریسن۔ مزمان اہل قلم کوں اکادمی دے “رائٹرز ہاؤس” اچ رہݨ کھاوݨ پیوݨ دی سہولتاں ݙتی ویسن۔ منتخب تھیوݨ آلے 20 شرکا دا ادبی تعارف اتے ݙاہ ݙینھ دے اقامی منصوبے دے مختلف حصویاں دی ترتیب جلدی پیش کیتی ویسی۔ اسلام آباد/ راولپنڈی دے سارے اہل قلم توں امید کیتی ویندی اے جو ملک دے مختلف علاقیاں توں آئے مزمان اہل قلم نال ادبی رابطے ودھیسن۔ اے پاکستان دی ادبی تاریخ اچ آپݨی طرز دا پہلا تجربہ اے جئیں دا مقصد نینگر اہل قلم دی صلاحیتاں کوں ودھاوݨ، ادیباں کوں مرکزی دھارے اچ ڳھن آوݨ، پاکستان اچ بینُ الصوبائی/ بینُ الثقافتی/ بینُ اللسانی ہم آہنگی دا فروغ، وفاقی دارُ الحکومت دی ادبی فضائیں اچ نویں آوازاں کوں شامل کرݨ شامل اے۔
ڈاکٹر سعدیہ کمال
