اسلام آباد۔21جنوری(اے پی پی سرائیکی نیوز) تقریب اچ ڳالھ مہاڑ کریندے ہوئیں سرائیکی دی معروف شخصیت مظہرعارف دا آکھݨ ہا جو اے کتاب ترائے ابواب تے مشتمل ہے جیندے اچ عبدالحق مہر دی حالات زندگی مہر عبدالحق دا ھک تاریخی انٹرویو، ماہر لسانیات ، ماہر فریدیات ترجمہ کار، سیرت نگار، ھک شاعر دے طور تے ڈاکٹر مہر عبدالحق دی خود نوشت محکمے دے حوالے نال اے۔انہاں دعوی کیتے جو آپݨے مطالعات عملی تحقیق تے تنقید تراجم تے تخلیقات دے سوہݨے انداز پاروں تاریخ اچ ہمیشہ زندہ رہسن۔ انہاں دا مزید آکھݨ ہا جو اکادمی ادبیات ملتان اچ مہرعبدالحق سیمینار رکھے۔ تے اساں انہاں کوں خراج تحسین پیش کریندوں جو پاکستانی ادب دے معمار اچ مہرعبدالحق فن تے شخصیت کوں شامل کرݨ انہاں دی علمی تے ادبی خدمت دا اعتراف کرݨ اے۔ سرائیکی زبان و ادب دے ودھارے اچ انہاں دی نشابر خدمات کوں ہمیش یاد رکھیا ویسی۔(ڈاکٹرسعدیہ کمال)
