کوئٹہ۔3فروری (اے پی پی) وزیرِاعظم محمد شہباز شریف ھک ݙینھ دے دورے تے کوئٹہ پڄ ڳئن ۔ وزیراعظم دفتر میڈیا ونگ موجب کوئٹہ پڄݨ تے گورنر بلوچستان شیخ جعفر خان مندوخیل تے وزیراعلیٰ میر سرفراز احمد بگٹی وزیرِ اعظم دا استقبال کیتا۔ وزیراعظم کوئٹہ اچ گزریل ݙینھاں قلات اچ دہشت گرداں دے خلاف آپریشن اچ بہادری نال لڑدے زخمی تھیوݨ آلے سیکورٹی فورسز دے نینگراں دی تیمارداری کریسن ۔ وزیرِاعظم دی کوئٹہ اچ صوبائی قیادت نال ملاقات وی تھیسی تے انہاں کوں امن دے حوالے نال بریفنگ ݙتی ویسی ۔ نائب وزیرِ اعظم و وزیرِ خارجہ اسحاق ڈار، وزیرِ دفاع خواجہ آصف، وفاقی وزیرِ اطلاعات و نشریات عطاء اللہ تارڑ تے وفاقی وزیرِ بجلی اویس لغاری وی وزیرِاعظم دے رلے ہن۔
