بہاولپور۔ 13 فروری (اے پی پی) 20ویں انٹرنیشنل چولستان ڈیزرٹ ریلی دے موقع تے چولستان اچ کوالیفائنگ راؤنڈ تھیا۔ ڈیزرٹ ریلی اچ سٹاک کیٹاگری، پری پیئرڈ کیٹاگری اتے ویٹرن کیٹاگری اچ مجموعی طور 125 گاݙیاں حصہ ڳھنسن۔ تفصیل موجب سٹاک کیٹاگری اچ مرد دی70 گاݙیاں اتے تریمتیں دی ݙو ڳاݙیاں، پری پیئرڈ کیٹاگری اچ مرد دی44 اتے تریمتیں دی ترائے ڳاݙیاں اتے ویٹرن کیٹگری اچ چھی ڳاݙیاں حصہ ڳھندی پئن۔ انٹرنیشنل چولستان ڈیزرٹ ریلی اچ ڈرٹ بائیک اتے ٹرک ریس دے وی مقابلے تھیسن۔ پروگرام موجب 14 فروری کوں پری پیئرڈ مرد تے تریمتیں کیٹاگری دا اںج اںج فرسٹ راؤنڈ تھیسی۔ 15 فروری کوں سٹاک کیٹاگری اچ مرد تے تریمتیں کیٹاگری دا اںج اںج مقابلے تھیسن اتے کلچرل نائٹ تھیسی جڈانجو 16 فروری کوں پری پیئرڈ کیٹگری اچ مرد تے تریمتیں دا اںج اںج ݙوجھا راؤنڈ تھیسی۔ ایں ݙینھ ڈرٹ بائیک، کواڈ ریس اتے ٹرک ریس دے مقابلے تھیسن اتے بعد اچ تقریب تقسیم انعامات ہوسی۔
