ملتان۔ 16 فروری (اے پی پی) ملتان اچ ٹریفک حادثہ، چھی بندے جاں بحق، کئی زخمی تھی ڳئے۔ ریسکیو 1122 موجب افسوس ناک حادچہ چھݨ چھݨ رات ڳئے تھاݨاں شاہ شمس دے علاقے بکرا منڈہ اڈہ دے نیڑے حسن سوال روڈ تے تھیا۔ جئیں اچ تکھی رفتار کار، ہائی روف اتے موٹرسائیکل آپت اچ ٹکراوݨ پاروں 30سالہ احمد کمال ولد وجاہت حسین،58 سالہ زاہد صدیقی ولد عبدالغفور،40 سالہ حسیب اللہ،21 سالہ عادل ولد محمد اسلم اتے ݙو نامعلوم افراد موقع تے جاں بحق اتے کئی زخمی تھی ڳئے۔ ریسکیو ٹیم اتے متعلقہ پولیس حادثے دی اطلاع ملݨ تے فوری موقع تے پڄ ڳئی۔ زخمیاں کوں ابتدائی طبی امداد ݙے تے ٻئے علاج کیتے جدانجو جاں بحق تھیوݨ آلیاں دی نعشاں کوں نشتر ہسپتال پڄا ݙتا ڳئے۔
