اسلام آباد۔ 16 فروری (اے پی پی، سرائیکی نیوز سروس) ۔سرائیکی دے جگ مشہور ادیب شاعر تے محقق بارے سینئر صحافی اسلم ملک سرائیکی نیوز سروس نال تفصیلی گالھ مہاڑ کریندے ڈسایا جو انھاں دے ابا وادیٔ سون دی وستی سبھرال دے اعوان ہن ۔ تعلیم گھنݨ سانگے ریاست بہاول پور آئے تے اتھائیں دے تھی تے رہ گئے ۔ دلشاد کلانچوی دا اصل ناں عطا محمد ھا او 24 مئی 1915ء کوں وستی کلانچ والا اچ جمے. پروفیسر دلشاد کلانچوی وڈی مدھ سرائیکی علاقے دے کالجاں تےیونیورسٹی اچ پڑھایا تے اوں ویلھے خطے دا ڈوجھا تریجھا گریجویٹ انھاں دا شاگرد ہوندا ہا. ایس ای کالج بہاول پور اچ طالب علمی دوران انھاں دی ہک نظم اہم ادبی جریدے مولانا صلاح الدین احمد دے’’ ادبی دنیا ‘‘میں میراجی تعریفی نوٹ نال چھاپی ہئی ۔ ملازمت وچال ترائے چار اردو ، انگریزی کتاباں لکھیاں ۔ ریٹائرمنٹ دے بعد تصنیف تےتالیف تے تحقیق اچ مصروف تھی گئے۔ سرائیکی اردو تے اردو سرائیکی لغت تے قرآن دے سرائیکی ترجمے سمیت ستر دے نیڑھے کتاباں چھپیاں ۔ ڈوں کتاباں تے اکادمی ادبیات اتے ہک کتاب تے پنجاب حکومت توں سال دی بہترین کتاب دے انعام ملے۔
سینئر صحافی اسلم ملک دا آکھݨ ہا جو تصنیف تے تالیف دا شوق انھاں دی اولاد اچ وی منتقل تھیا۔ ہک دھی مسرت کلانچوی دیاں 10 کتاباں چھپ چکئین ۔ڈوجھی صاحبزادی اختر صباح تے پتر جمشید اقبال اعوان کلانچوی ترائے ترائے اتے پوترے عون محمد تے ڈوترے امروز اسلم وی ہک ہک کتاب دے مصنف ان ۔
پروفیسر دلشاد کلانچوی دیاں سرائیکی کتاباں دی تفصیل
سوکھے ترجمہ آلا قرآن مجید (قرآن مجید دا سرائیکی ترجمہ)، چنگا بال اقبال (اقبالیات)،کون فرید فقیر (اقبالیات)، ساڈا بخت اقبال (اقبالیات)، سارے سگن سُہا گڑے (ناول)،کلام کلانچوی(شاعری)،غالب دیاں غزلاں (غالب دی غزلیات دا سرائیکی ترجمہ)، ڈپٹی نذیر احمد دے ناول توبۃ النصوع دا سرائیکی ترجمہ)، توبہ زاری (ڈپٹی نذیر احمد دے ناول توبۃ النصوح دا سرائیکی ترجمہ)، سرائیکی گُل پُھل (مضامین)، ضلع بہاول پور (تاریخ)،کون فرید فقیر (فریدی شناسی)، فریدیات (کلام فرید دا تنقیدی مطالعہ)،سرائیکی زبان تے ادب (تنقید)،سرائیکی باغ و بہار (تنقید)، فرید کافیاں (منتخب کلام فرید دا ترجمہ و تشریح)،فریدی ڈوہڑے (فریدی شناسی) چار سرائیکی صوفی شاعر (تنقید)، قدیم سرائیکی شاعر تے ادیب (تنقید)، بہاول پور دی تاریخ تے ثقافت (تاریخ و ثقافت)،چنگیر (بالاں دیاں نظماں )، لغات دلشادیہ -اول (لسانیات)، لغات دلشادیہ -دوم (لسانیات)،سرائیکی لسانیات (لسانیات)، سرائیکی شاعری دے اوزان تے قوافی (فن شعر و شاعری)،سرائیکی ادب دی چنگیر (تنقید) قرآن مجید آپڑیں متعلق کیا آہدے؟ (اسلام)،انارکلی تے اقتدار دی ہوس (امتیاز علی تاج کے ڈرامے انارکلی کا سرائیکی ترجمہ)،چالیھ حدیثاں (سرائیکی ترجمہ احادیث)،خواباں وچ خیال (محمد حسین آزاد کی کتاب نیرنگ خیال کا سرائیکی ترجمہ)،خیابانِ خرام (خرم بہاولپوری دے سرائیکی کلام دی ترتیب و تدوین)،رات دی کندھ (ڈرامے، افسانے)، قصے تے پِڑ قصہ (میر امن دی باغ و بہار دا سرائیکی ترجمہ)، مثنوی دلبہار (میر حسن دی مثنوی سحر البیان دا سرائیکی ترجمہ)، نور نامہ (ترتیب و تدوین)، معراج نامہ (ترتیب و تدوین)، نعتیہ سی حرفی (شاعری)، رسول کریم دے معجزے (مولانا سعید احمددہلوی کی کتاب معجزات رسول کا سرائیکی ترجمہ)، سرائیکی مطالعہ دے سو سال (ڈاکٹر کرسٹوفر شیکل کی کتاب کا سرائیکی ترجمہ)دلشاد کلانچوی دی اردو کتاباں دی تفصیل ڈیکھو ۔۔اقبال شناسی اور ایجرٹن کالج میگزین (اقبالیات)،اقبال اور اس کی اردو شاعری پر ایک نظر (اقبالیات)،آؤ مجھے پہچانو (بچوں کے لیے نظمیں)، نیا ستارا (بالاں دیاں نظماں)، مثنوی یوسف زلیخا (عبد الحکیم اُچوی دی مثنوی دا نثری اردو ترجمہ)، اصطلاحات معاشیات (درسی کتاب)، نظریات معاشیات (درسی کتاب) انتخاب دیوان خواجہ غلام فرید (منتخب کافیاں دا اردو ترجمہ)،سرائیکی اور اس کی نثر (تحقیق)،
انگریزی کتاباں دی تفصیل
Descriptive Economic of Bhara
& Pakistan
Economic Terms
Intermediate Economics (Made Easy)
دلشاد کلانچوی دی نظم “علامہ اقبال کی یاد میں” اے کہ ترا وجود ہے باعث فخر ادبیات اے کہ ترا دماغ ہے مایہ صد تخیلات اے کہ ترے سخن میں ہے رنگ کلام سامری اے کہ ترے نفس سے ہے جاگی خدا کی کائنات اے کہ تری نگاہ میں مصر و حجاز و جنیوا شام ہے یا ہے قرطبہ روم و فرنگ و سومنات اے کہ تری خودی ہی ہے راز حیات جاوداں اے کہ تری شہنشہی رشک ملوک شش جہات اے کہ ترا یہ فلسفہ درس و پیام و ذکر و فکر اے کہ یہ درد و سوز و غم مظہر راز قومیات اے کہ رموز بے خودی تیرے قلم کی رازدار اے کہ طریق رند و شیخ تیرے رموز و نظریات اے کہ ترا مقام ہے چاند ستاروں سے بھی دور اے کہ ترا قیام ہے جائے دل و تصورات اے کہ غلام غیر کی تو نے نگاہیں پھیر دیں بندہ حُر کے سامنے رکھ دئیے سب مشاہدات اے کہ ترے لیے اگر کارِ جہاں دراز تھا ہم سے کیوں جلد موڑ لی تونے نگاہِ التفات
دلشاد کلانچوی دے اعزازات
کون فرید فقیر پر اکادمی ادبیات پاکستان ولوں 1983ء اچ خواجہ فرید ایوارڈ ڈتا گیا۔ سرائیکی زبان تے ادب اکادمی ادبیات پاکستان ولوں 1988ء اچ خواجہ فرید ایوارڈ ڈتا گیا۔ بہاول پور دی تاریخ تے ثقافت تے حکومت پاکستان دے محکمہ اطلاعات و ثقافت ولوں 1989ء اچ جام درک ایوارڈ ڈتا گیا۔ 1998ء اچ خواجہ غلام فرید دے سو سال جشن تے اسلامیہ یونیورسٹی بہاول پور ولوں خواجہ فرید اتےانھاں دے کلام دی تشریح تے ترجمہ کیتے خواجہ فرید میڈل انھاں دی وفات توں بعد ڈتا گیا ۔
ڈاکٹر سعدیہ کمال
