ڈیرہ غازی خان۔ 19 فروری (اے پی پی) کمشنر ڈیرہ غازی خان ڈویژن اشفاق احمد چوہدری بارکھان دے علاقہ رڑکن سانحہ تے شدید ݙکھ اتے متاثرہ ٹبراں نال تعزیت کریندیں ہوئیں آکھیا جو سانحے اچ پنجاب توں تعلق رکھݨ آلے ست شہیداں دے جسد خاکی ریسکیو 1122 دی ایمبولینسز دے ذریعے آبائی علاقیاں کیتے روانہ کر ݙتی ڳئن۔ کمشنر ڈی جی خان آکھیاجو ڈپٹی کمشنر محمد عثمان خالد دی نگرانی اچ پولیٹیکل اسسٹنٹ کوہ سلیمان محمد اسد خان چانڈیہ بلوچستان انتظامیہ توں بین الصوبائی چیک پوسٹ بواٹہ توں وصول کیتی۔کمشنر اشفاق احمد چوہدری آکھیا جو دستاویزات دے مطابق عدنان مصطفی ولد غلام مصطفی، ذات رحمانی دا تعلق بورے والا وہاڑی ،ریٹائرڈ ڈی ایس پی عاشق حسین ولد غلام سرور دا تعلق ملتان ،محمد عاشق ولد داؤد علی شیخوپورہ،شوکت علی ولد سردار علی فیصل آباد ،عاصم علی ولد محمود علی لاہور،محمد اجمل ولد اللہ وسایا لودھراں اتے سفیان ولد بوٹا قوم چوہان ضلع فیصل آباد کیتے روانہ کیتی ڳئن۔
