واشنگٹن ۔22فروری (اے پی پی) امریکا دے صدر ڈونلڈ ٹرمپ فوج دےاعلی ترین عہدے تے فائز چیئرمین جوائنٹ چیفس آف سٹاف اتے ایئر فورس جنرل چارلز سی کیو براؤن کوں برطرف کرݙتے۔روئٹرز دے مطابق صدر ٹرمپ جوائنٹ چیفس آف سٹاف دی برطرفی دا اعلان کریندیں ہوئیں آکھیا جو او فوج دے پنڄ اعلیٰ عہدیاں اچ وی تبدیلیاں کریسن۔ صدر ٹرمپ سوشل میڈیا پلیٹ فارم ٹروتھ سوشل تے پوسٹ اچ لکھیاجو او سی کیو براؤن دی ڄاہ تے ریٹائرڈ لیفٹیننٹ جنرل ڈین رازن کین کوں جوائنٹ چیفس آف سٹاف دے عہدے کیتے نامزد کریسن۔ امریکی محکمہ دفاع آکھیاجو صدر ٹرمپ نیوی دی سربراہ ایڈمیرل لیسا فرینچیٹی، فضائیہ دے وائس چیف آف سٹاف سمیت آرمی، نیوی اتے ایئر فورس دے ایڈووکیٹ جنرلز کوں وی برطرف کریسن۔
