لاہور۔3مارچ (اے پی پی) پورے پنجاب اچ طلبہ کیتے وزیر اعلی لیپ ٹاپ سکیم دا اعلان کر ݙتا ڳئے۔ ترجمان محکمہ تعلیم موجب وزیر تعلیم رانا سکندر حیات لیپ ٹاپ سکیم دا اعلان کریندیں ہوئیں آکھیا جو وزیرِ اعلی پنجاب لیپ ٹاپ اسکیم دے تحت 1,10,000 طلبہ اچ جدید ترین لیپ ٹاپ تقسیم کیتے ویسن۔ سکیم کیتے پبلک سیکٹر دے تعلیمی اداریاں دے بی ایس دے پہلے اتے ݙوجھے سمسٹر دے طلبا اپلائی کر سڳسن۔ وزیرتعلیم آکھیا جو طلبہ کوں جنریشن 13 دے جدید ترین کور آئی سیون لیپ ٹاپ ݙتے ویسن۔ انہاں آکھیا جو آن لائن درخواست کیتے آفیشل لنک مشتہر کرݙتا قئے جو ساری معلومات نال پنجاب ہائیر ایجوکیشن ڈیپارٹمنٹ دی ویب سائٹ تے موجود اے۔ وزیرتعلیم آکھیا جو طلبا آفیشل لنک تے آن لائن اپلائی کر سڳدن۔ وزیر تعلیم آکھیا جو بی ایس طلبا کیتے 65 فیصد اتے میڈیکل سٹوڈنٹس کیتے 80 فیصد میرٹ مقرر کیتا ڳئے۔ اے میرٹ انٹرمیڈیٹ دے نمبرز دی بنیاد تے ٻݨایا ویسی۔
