اسلام آباد۔9مارچ(اے پی پی) برصغیر پاک و ہند دے عظیم لوک گلوکار پٹھاݨے خان دا ورھیݨاں اتوار کوں منایا ڳئے ۔ پٹھاݨے خان 1926 کوں کوٹ ادو دی وستی تمبو آلی وچ ڄمیے انہاں دا ناں غلام محمد ہئی۔انہاں کوں غزل، کافی، لوک گیتاں تے ٻہوں کمال حاصل ہئی ۔ صدارتی ایوارڈ یافتہ گلوکار پٹھاݨے خان کئی ݙھاکے تئیں آپݨی سُر آلی آواز دا جادو جڳیا تے خواجہ غلام فرید، بابا بُلھے شاہ، مہرعلی شاہ سودھے کئی صوفی بزرگ شاعراں دے عارفانہ کلام کوں ڳایا جئیں دے حکومت پاکستان دی طرفوں 1979 اچ صدارتی ایوارڈ نال نوازیا ڳیا ۔ پٹھاݨے خان 74سال دی عمر اچ 9 مارچ 2000 اچ انتقال کر ڳئے ہن۔ انھاں دے ورھیݨے تے انہاں دی خدمات دے اعتراف اچ شوبز انڈسٹری اتے گلوکار برادری دی طرفوں منعقدہ مختلف تقریباں اچ پٹھاݨے خان کوں چنڳے انداز اچ خراج تحسین پیش کیتا ڳئے
