بیجنگ۔12مارچ (اے پی پی) چین پاکستان دے صوبہ بلوچستان اچ جعفر ایکسپریس تے دہشت گرد حملے دی شدید مذمت کیتی اے ۔ چینی وزارت خارجہ دی ترجمان ماو ننگ معمول دی بریفنگ اچ دہشت گردی نال نبݨݨ ، یکجہتی اتے سماجی استحکام برقرار رکھݨ تے شہریاں دے تحفظ سانڳے پاکستان دی بھرپور حمایت جاری رکھݨ دا عزم کیتے۔ انہاں ریل گاݙی تے حملے دے سوال دے جواب اچ آکھیے اساں رپورٹس کوں نوٹ کیتے ایں دہشت گرد حملے دی شدید مذمت کیتی ۔ انہاں آکھیے چین کہیں وی شکل اچ دہشت گردی دی سختی نال مخالفت کریندے ۔ انہاں مزید آکھیے اساں دہشت گردی نال نبݨݨ ، یکجہتی اتے سماجی استحکام کوں برقرار رکھݨ تے شہریاں دے تحفظ سانڳے پاکستان دی تکڑے طریقے نال حمایت جاری رکھیسوں ، انہاں آکھیے چین پاکستان نال انسداد دہشت گردی اتے سکیورٹی تعاون کوں تکڑا کرݨ تے خطے کوں پرامن، محفوظ اتے مستحکم رکھݨ سانڳے تیار اے۔
