اسلام آباد۔8اپریل(اے پی پی) وفاقی وزیر مذہبی امور سردار محمد یوسف آکھیے پاکستان اچ حج دے خرچے خطے دے ٻئے ملکاں توں گھٹ ہن ، حاجیاں سانڳے بہترین انتظامات کیتے ڳئن ۔ حج تربیتی ورکشاپ توں خطاب کریندے وفاقی وزیر مذہبی امور سردار محمد یوسف آکھیے اساں سعودی عرب اچ حاجیاں سانڳے انتظامات دا جائزہ گھن تے آئن ، ہرممکن کوشش ہوسی جو کہیں حاجی کوں وی تکلیف نہ پُڄے ۔انھاں آکھیے ٹریننگ دا ݙوجھا مرحلہ اے ،اڄوکے مہینے دی 20 تاریخ کوں عازمین حج دی ویکسی نیشن تھیسی ۔انھاں آکھیے پاکستانی عازمین حج سعودی عرب دے قوانین دا خاص خیال رکھن۔ ترجمان وزارت مذہبی امور عمر بٹ ایں موقع تے آکھیے پورے ملک اچ 142 ھک ݙینھ وار حج تربیتی ورکشاپاں تھیسن۔
