اسلام آباد۔22اپریل (اے پی پی) وزیراعظم محمد شہبازشریف روانڈا نال تجارت اتے سرمایہ کاری سودھے مختلف شعبیاں اچ تعاون ودھاوݨ دا عزم کریندیں ہوئیں آکھیا جو روانڈا نال کاروباری رابطے نال ݙوپاسہ تجارت ودھاوݨ اچ مدد ملسی۔ وزیراعظم آفس دے میڈیا ونگ توں جاری بیان موجب اے ڳالھیں انہاں جمہوریہ روانڈا دے خارجہ امور اتے بین الاقوامی تعاون دے وزیراولیویئے جین پیٹرک ڈوہنجیریہے نال ڳالھ مہاڑ کریندیں ہوئیں آکھی جنہاں …
روانڈا نال کاروباری رابطے نال ݙوپاسہ تجارت ودھاوݨ اچ مدد ملسی، وزیراعظم شہبازشریف دی روانڈا دے وزیر خارجہ نال ملاقات اچ ڳالھ مہاڑ
اسلام آباد۔22اپریل (اے پی پی) وزیراعظم محمد شہبازشریف روانڈا نال تجارت اتے سرمایہ کاری سودھے مختلف شعبیاں اچ تعاون ودھاوݨ دا عزم کریندیں ہوئیں آکھیا جو روانڈا نال کاروباری رابطے نال ݙوپاسہ تجارت ودھاوݨ اچ مدد ملسی۔ وزیراعظم آفس دے میڈیا ونگ توں جاری بیان موجب اے ڳالھیں انہاں جمہوریہ روانڈا دے خارجہ امور اتے بین الاقوامی تعاون دے وزیراولیویئے جین پیٹرک ڈوہنجیریہے نال ڳالھ مہاڑ کریندیں ہوئیں آکھی جنہاں منگل کوں انہاں نال ملاقات کیتی۔ ملاقات اچ وزیر اعظم روانڈا دے وزیر خارجہ دا خیرمقدم کیتا اتے صدر پال کاگامے اتے وزیر اعظم ایڈورڈ گیرنٹے کیتے نیک خواہشات دا اظہار کیتا۔ انہاں صدر پال کاگامے کوں پاکستان دا سرکاری دورہ کرݨ دی دعوت ݙتی ݙوہیں ملکاں وچال ݙوپاسہ تعلقات دے ودھارے تے اطمینان کریندیں ہوئیں وزیراعظم روانڈا نال تجارت اتے سرمایہ کاری سودھے مختلف شعبیاں اچ تعاون ودھاوݨ دا عزم کریندیں ہوئیں آکھیا جو روانڈا نال کاروباری رابطے نال ݙوپاسہ تجارت ودھاوݨ اچ مدد ملسی۔وزیراعظم روانڈا کوں اسلام آباد اچ آپݨا مشن کھولݨ تے مبارخ ݙتی۔ روانڈا دے وزیر خارجہ وزیر اعظم دی نیک تمناواں تے شکریہ ادا کیتا۔ ملاقات اچ ݙوہیں ملکاں وچال اقوام متحدہ اچ کثیرالجہتی تعاون تے وی ڳالھ کیتی ڳئی۔
