وزیراعظم شہباز شریف ݙو ݙینھ دے سرکاری دورے تے بیلاروس دے دارالحکومت منسک پڄ ڳئن

  منسک۔10اپریل(اے پی پی) وزیراعظم محمد شہباز شریف ݙو ݙینھ دے سرکاری دورے تے بیلاروس دے دارالحکومت منسک پُڄ ڳئن ۔ منسک دے بین الاقوامی ہوائی اݙے تے بیلاروس دے وزیراعظم الیگزینڈر تورچن تے بیلاروس اچ پاکستانی سفارت خانے دے افسراں وزیراعظم دا استقبال کیتے۔نائب وزیراعظم / وزیر خارجہ اسحاق ڈار ،وفاقی وزیر اطلاعات و نشریات عطاء اللہ تارڑ اتے وزیراعظم دے معاون خصوصی طارق فاطمی وزیراعظم دے رلے ہن۔