وزیراعظم  شہباز شریف دا بیلا روس  دے ایوان آزادی آوݨ تے شاندار خیرمقدم

منسک۔11اپریل(اے پی پی) وزیراعظم محمد شہباز شریف دا بیلا روس دے ایوان آزادی آوݨ تے شاندار خیر مقدم کیتا ڳئے، وزیراعظم شہباز شریف دے ایوان آزادی آوݨ تے باضابطہ استقبالیہ تقریب تھئی۔ بیلا روس دے صدر الیگزینڈر لوکاشینکووزیراعظم دا پُرتپاک استقبال کیتے۔ ݙوہیں رہنماواں گرمجوشی نال ہتھ ملائے۔استقبالیہ تقریب اچ ݙوہیں ملکاں دے قومی ترانے وڄائے ڳئن ۔ بیلا روس دی مسلح افواج دے چاق وچوبند دستے وزیراعظم محمد شہباز شریف کوں گارڈ آف آنر پیش کیتے تے سلامی ݙتی۔ وزیراعظم گارڈ آف آنر دا معائنہ کیتا۔ ایں موقع تے وزیراعظم محمد شہباز شریف اپݨے وفد دے ارکان دا بیلا روس دے صدر نال تعارف کرائے جݙاں جو بیلا روس دے صدر وی اپݨے حکومتی ارکان کوں وزیراعظم شہباز شریف نال متعارف کرائے۔