اسلام آباد۔17اپریل (اے پی پی) وزیر اعظم محمد شہباز شریف آکھیا جو برطانیہ اچ رہݨ آلی پاکستانی کمیونٹی ݙوہیں ملکاں وچال پل دا کردار ادا کریندی پئی اے۔ اے ڳالھیں انہاں برطانیہ دے پارلیمانی انڈر سیکرٹری برائے مذاہب ، کمیونٹیز اتے آبادکاری لارڈ واجد خان نال ڳالھ مہاڑ کریندیں ہوئیں آکھی جنہاں خمیس کوں وزیراعظم ہاؤس اچ انہاں نال ملاقات کیتی۔ وزیر اعظم آفس دے میڈیا ونگ توں جاری بیان …
برطانیہ اچ رہݨ آلی پاکستانی کمیونٹی ݙوہیں ملکاں وچال پل دا کردار ادا کریندی پئی اے، وزیر اعظم شہباز شریف دی لارڈ واجد خان نال ملاقات اچ ڳالھ مہاڑ
اسلام آباد۔17اپریل (اے پی پی) وزیر اعظم محمد شہباز شریف آکھیا جو برطانیہ اچ رہݨ آلی پاکستانی کمیونٹی ݙوہیں ملکاں وچال پل دا کردار ادا کریندی پئی اے۔ اے ڳالھیں انہاں برطانیہ دے پارلیمانی انڈر سیکرٹری برائے مذاہب ، کمیونٹیز اتے آبادکاری لارڈ واجد خان نال ڳالھ مہاڑ کریندیں ہوئیں آکھی جنہاں خمیس کوں وزیراعظم ہاؤس اچ انہاں نال ملاقات کیتی۔ وزیر اعظم آفس دے میڈیا ونگ توں جاری بیان موجب ملاقات اچ وزیراعظم لارڈ واجد خان دے پاکستان آوݨ تے انہاں دا خیر مقدم کیتا اتے اوورسیز پاکستانیز کنونشن اچ شرکت تے انہاں دا شکریہ ادا کیتا۔ وزیر اعظم ہز میجسٹی کنگ چارلس سوم دے نال نال برطانوی وزیراعظم کیئر اسٹارمر کیتے وی نیک خواہشات دا اظہار کیتا۔ ملاقات اچ لارڈ واجد خان وزیراعظم کوں آپݨی اڄوکی سرگرمیاں اتے اقداات دا ݙسیا جئیں دا مقصد پاکستان اتے برطانیہ وچال تعلقات مضبوط ٻݨاوݨ اے۔
