اسلام آباد۔22اپریل (اے پی پی) وزیراعظم محمد شہباز شریف سپیس ٹیکنالوجی ،سپیس سٹیلائیٹ تے ٹیلی کمیونیکیشن اتے سٹیلائیٹ انٹرنیٹ دے شعبیاں اچ تعاون ودھاوݨ دی خواہش کریندیں ہوئیں آکھیا جو پاکستان سپیس ٹیکنالوجی دے شعبے کوں اہمیت ݙیندے۔ وزیراعظم آفس دے میڈیا ونگ توں جا ری بیان موجب اے ڳالھیں انہاں چین توں تعلق رکھݨ آلی سپیس ٹیکنالوجی کمپنی “گلیکسی سپیس” دے وفد نال ڳالھ مہاڑ کریندیں ہوئیں آکھی جنہاں چیئرمین زومنگ دی قیادت اچ منگل کوں انہاں نال ملاقات کیتی۔ ملاقات اچ وفاقی وزیر اقتصادی امور احد خان چیمہ ، وفاقی وزیر انفارمیشن ٹیکنالوجی و ٹیلی کام شزا فاطمہ ، وزیر دے مشیر ڈاکٹر توقیر شاہ اتے متعلقہ سرکاری اداریاں دے افسر شریک تھیے۔ ایں موقع تے وزیراعظم آکھیا جو پاکستان سپیس ٹیکنالوجی دے شعبے کوں اہمیت ݙیندا پئے۔ گلیکسی سپیس دے وفد پاکستان دی سپیس ٹیکنالوجی انڈسٹری اچ سرمایہ کاری اتے پاکستانی سپیس ٹیکنالوجی دے اداریاں اتے نجی ٹیلی کام کمپنیاں نال سانجھے منصوبیاں بارے دلچسپی ݙکھائی اتے آکھیا جو وزارت انفارمیشن ٹیکنالوجی تے ٹیلی کام اتے سپارکو دے حکام نال ملاقاتاں مفید رہین۔وفد پاکستان اچ پرتپاک میزبانی تے حکومت پاکستان دا شکریہ ادا کیتا۔
