اسلام آباد۔22اپریل (اے پی پی) وفاقی وزیر برائے منصوبہ بندی، ترقی تے خصوصی اقدامات احسن اقبال آکھیا جو پاکستان کوں ٹیکنو-اکانومی اچ بدلݨ ویلھے دی اہم لوڑھ اے۔ نیشنل یونیورسٹی آف سائنسز اینڈ ٹیکنالوجی (نسٹ) اچ تھیوݨ آلے آسیان-پاکستان ٹیکنالوجی ایکسپو 2025 توں خطاب کریندیں ہوئیں احسن اقبال زور ݙتا جو جدید سائنس تے ٹیکنالوجی او قوت اے جو قوماں دی تقدیر بدل سڳدی اے۔انہاں نسٹ دے نیشنل سینٹر فار روبوٹکس اینڈ آٹومیشن اتے آسیان کمیٹی برائے سائنس، ٹیکنالوجی تے انوویشن دی سانجھی کوششاں دی تعریف کریندیں ہوئین آکھیا جو اے ایکسپو علاقائی تعاون اتے تکنیکی ترقی دا عملی مظہر اے۔ انہاں آکھیا جو وزارت منصوبہ بندی حال اچ “سائنس، ٹیکنالوجی اتے انجینئرنگ برائے ترقی” پروگرام شروع کیتے جئیں دا مقصد تحقیق اتے جدت کوں پاکستان دے ترقیاتی اہداف نال جوڑݨ اے۔ انہاں ڈیجیٹائزیشن، گرین انرجی اتے جدید معاشی حکمت عملیاں کوں ویلھے دی اہم لوڑھ قرار ݙتا۔ این سی آر اے دے پروجیکٹ ڈائریکٹر عمر خان وزیر احسن اقبال دے وژن دی تعریف کیتی جئیں دی قیادت اچ کئی قومی تحقیقی مراکز 2017-2018 اچ ٻݨیے جئیں اچ مصنوعی ذہانت، بگ ڈیٹا، سائبر سکیورٹی اتے خلائی ٹیکنالوجی دے شعبے شامل ہن۔
