محکمہ موسمیات ولوں ملک بھر اچ ہفتہ 26 توں 30 اپریل تئیں گرمی دی لہر دی پیش گوئی

اسلام آباد۔25اپریل  (اے پی پی) محکمہ موسمیات  ولوں ملک  بھر اچ ہفتہ 26 توں 30 اپریل تئیں گرمی دی لہر دی پیش گوئی کیتی ڳئی اے۔ محکمہ موسمیات توں جمعے کوں جاری اعلامی موجب ہوا دا ودھ دباؤ 26 اپریل کوں ملک اچ داخل تھیسی جیڑھا جو 27 اپریل کوں کئی علاقیاں تے اثر انداز تھیسی۔ 26 اپریل توں یکم مئی تئیں ملک دے جنوبی علاقے بشمول سندھ، جنوبی  پنجاب اتے بلوچستان اچ ݙینھ دا درجہ حرارت معمول توں 5 توں 7 ڈگری سینٹی گریڈ ودھ رہݨ دا امکان اے اینویں 27 توں 30 اپریل تئیں ملک دے میں دن کا درجہ حرارت معمول سے 5 تا 7 ڈگری سینٹی گریڈ زیادہ رہنے کا امکان ہے بالائی علاقے (وسطی تے بالائی پنجاب ، اسلام آباد، خیبر پختو نخوا، کشمیر ، گلگت بلتستان ) اچ وی ݙینھ دا درجہ حرارت معمول توں 4 توں چھی ڈگری ودھ رہݨ دی توقع اے۔  محکمہ موسمیات دے مطابق 30 اپریل کوں ملک دے بالائی علاقیاں اچ مینہ دا سبب ٻݨݨ آلی ہوائیں آوݨ دی پیشنگوئی کیتی ڳئی اے جئیں پاروں 30 اپریل اتے یکم مئی کوں اسلام آباد ،کشمیر ، خطہ پوٹھوہار سودھے شمال مشرقی پنجاب ، بالائی  خیبر پختونخوا اتے گلگت بلستان اچ اندھاری، جھکڑ چلݨ اتے ڳاڄ کھمݨ نال مینہ وسݨ دا امکان اے۔