اسلام آباد۔26اپریل(اے پی پی)وفاقی وزیر اطلاعات و نشریات عطاءاللہ تارڑ آکھیے جو پاکستان اچ کرپٹو اتے ڈیجیٹل فنانس دے شعبیاں اچ ودھ مواقع ہین، نوجواناں دی بھرپور صلاحیتاں، ابھردی معیشت اتے عالمی مالیاتی اداریاں دے ودھدے اعتماد پاروں پاکستان کرپٹو انڈسٹری اچ وݙیان کامیابیاں ڳھندا پئے۔ اے ڳالھ انہاں وزارت خزانہ اچ پاکستان کرپٹو کونسل اتے ورلڈ لبرٹی فنانشل وچال معاہدے تے دستخطاں دی تقریب توں بعد الیندے آکھی۔ وفاقی …
پاکستان اچ کرپٹو اتے ڈیجیٹل فنانس دے شعبیاں اچ ودھ مواقع ہین، وزیر اطلاعات عطاءاللہ تارڑ
مزید خبراں
اسلام آباد۔26اپریل(اے پی پی)وفاقی وزیر اطلاعات و نشریات عطاءاللہ تارڑ آکھیے جو پاکستان اچ کرپٹو اتے ڈیجیٹل فنانس دے شعبیاں اچ ودھ مواقع ہین، نوجواناں دی بھرپور صلاحیتاں، ابھردی معیشت اتے عالمی مالیاتی اداریاں دے ودھدے اعتماد پاروں پاکستان کرپٹو انڈسٹری اچ وݙیان کامیابیاں ڳھندا پئے۔ اے ڳالھ انہاں وزارت خزانہ اچ پاکستان کرپٹو کونسل اتے ورلڈ لبرٹی فنانشل وچال معاہدے تے دستخطاں دی تقریب توں بعد الیندے آکھی۔ وفاقی وزیر اطلاعات کرپٹو بارے پاکستان اچ مواقع دا ݙسایا جو کرپٹو کونسل دے قیام نال پاکستان اچ ہک نویں اختراعی پیشرفت تھئی اے، کرپٹو دے شعبے اچ ریگولیٹری فریم ورک تے تیزی نال کم جاری اے۔ انہاں آکھیا جو ورلڈ لبرٹی فنانشل ہک وݙا پلیٹ فارم اے جیڑھا ڈی سینٹرلائزڈ فنانس پروٹوکول دے تحت ریگولیشن اتے اسٹیبل کوائنز دے شعبیاں اچ ودھ کم کریندا پئے، معاہدے نال پاکستان اچ کرپٹو ریگولیٹری فریم ورک مستحکم اتے موثر ٻݨاوݨ اچ مدد ملسی۔ ایں ومقع تے پاکستان کرپٹو کونسل دے سی ای او اتے وزیر خزانہ دے مشیر بلال بن ثاقب آکھیا جو پاکستان کوں عالمی ڈیجیٹل معیشت دا اہم حصہ ٻݨاوݨ کیتے کم کریندے پئے ہیں، ورلڈ لبرٹی فنانشل نال اے اشتراک پاکستان اچ جدید مالیاتی ٹیکنالوجیز دے نفاذ اچ اہم کردار ادا کریسی۔ ورلڈ لبرٹی فنانشل دے شریک چیئرمین زیک ویٹکوف وی خطاب کیتے اتے تقریب اچ ورلڈ لبرٹی فنانشل دے چیس ہیرو اتے پاکستان کرپٹو کونسل دے سی ای او بلال بن ثاقب معاہدے تے دستخط کیتن۔
