دوحہ ۔28اپریل (اے پی پی) قطر دے وزیراعظم شیخ محمد بن عبدالرحمٰن بن جاسم الثانی آکھیا جو غزہ اچ جنگ بندی معاہدے بارے کڄھ پیش رفت تھئی اے۔ اے ایف پی موجب اے ڳالھیں انہاں ہک نیوز کانفرنس اچ آکھی۔ انہاں آکھیا جو فلسطینی تنظیم اتے اسرائیل وچال نویں معاہدے تئیں پڄاوݨ کیتے دوحہ اچ جاری مذاکارت اچ کڄھ پیش رفت تھئی اے۔ اساکوں چھیکڑی سوال دا جواب ڳولݨ دی لوڑھ اے جو ایں جنگ کوں کینویں ختم کیتا ونڄے۔ واضح رہے قطر مصر اتے امریکا نال رَل تے اسرائیل اتے فلسطینی تنظیم وچال غزہ اچ جنگ بندی دا ہک عارضی معاہدہ کرائے جو 19 جنوری کوں تھیا ہئی پر ایں نال جنگ دا مکمل خاتمہ نی تھی سڳیا۔
