وزیراعظم شہباز شریف دا شمالی وزیرستان اچ آپریشن وچال 17 خارجیاں کوں جہنم واصل کرݨ تے سکیورٹی فورسز کوں خراج تحسین

اسلام آباد۔28اپریل  (اے پی پی) وزیراعظم محمد شہباز شریف  شمالی وزیرستان دے علاقے حسن خیل اچ آپریشن دے نتیجے اچ 17 خارجیاں کوں جہنم واصل کرݨ تے سکیورٹی فورسز کوں خراج تحسین پیش کیتے۔ سنوار کوں وزیراعظم آفس دے میڈیا ونگ توں جاری بیان موجب وزیراعظم آکھیا جو گزریل ترائے ݙینھ اچ شمالی وزیرستان اچ سکیورٹی آپریشن اچ 71 خارجیاں دی ہلاکت توں نشابر تھیندے جو قانون نافذ کرݨ آلے ادارے دہشت گردی دے خاتمے کیتے پرعزم ہن۔ وزیراعظم آکھیا جو ملک توں دہشت گردی دے پورے خاتمے تئیں دہشت گرداں دے خلاف جنگ جاری رہسی۔