حج 2025 دےفلائٹ آپریشن دے تحت پہلی حج پرواز29 اپریل اسلام آباد انٹرنیشنل ایئرپورٹ توں حجاز مقدس روانہ تھیسی

اسلام آباد۔28اپریل  (اے پی پی) حج 2025 دےفلائٹ آپریشن دے تحت پہلی حج  پرواز29 اپریل اسلام آباد انٹرنیشنل ایئرپورٹ توں حجاز مقدس روانہ تھیسی۔وفاقی وزیر مذہبی امور سردار محمد یوسف اتے پاکستان اچ سعودی عرب دے سفیر نواف سعیدالمالکی سودھے وزارت دے اعلیٰ افسراں عازمین حج کوں رخصت کریسن۔ ۔وزارت مذہبی امور دے ترجمان موجب سرکاری سکیم دے تحت 89ہزار توں ودھ عازمین فریضہ حج ادا کریسن۔ مجموعی طور تے 50ہزار500عازمین کوں روڈ ٹو مکہ پراجیکٹ دے تحت پاکستان اچ ای سعودی امیگریشن دی سہولت حاصل ہوسی۔ ایں سال اسلام آباد انٹرنیشنل ایئرپور ٹ توں روڈ ٹو مکہ پراجیکٹ دے تحت 28ہزار جڈانجو کراچی ایئرپورٹ توں 22ہزار500عازمین ایں سہولت توں فیدہ چیسن۔ سعودی امیگریشن دے حکام پاکستان پڄ ڳئن جنہاں کوں اسلام آباد اتے کراچی دے ہوائی اݙے تے سہولتاں ݙتی ویسن۔ ۔ اسلام آبا د توں حج توں پہلے عازمین حج کوں حجاز مقدس پڄاوݨ کیتے 100 اتے کراچی توں 80 پروازاں آپریٹ تھیسن۔ ملک دے ٻئے شہراں   لاہور، فیصل آباد، پشاور، کوئٹہ ، ملتان اتے سیالکوٹ توں وی حج پروازاں حجاز مقدس روانہ تھیسن۔