ڈیرہ غازی خان ۔ 28 اپریل (اے پی پی) ڈیرہ غازی خان پولیس اہلکاراں کوں شہید کرݨ آلے ترائے ڈاکواں کوں ہلاک کر ݙتے۔ ترجمان ڈیرہ غازی خان پولیس موجب تھاݨاں صدر تونسہ اچ اے ایس آئی غلام شبیر اتے کانسٹیبل غلام فرید کوں شہید کرݨ آلے ترائے ڈاکو سپر بند 2 دی ڄاہ تے فائرنگ دے تبادلے اچ ہلاک کر ݙتے۔ ترجمان ٻیا ݙسیا جو پںج مسلح ملزم دریا آلے پاسے ویندیں ہوئیں سپربند 2 آلے پاسے ودھیے اتے پولیس پارٹی کوں ݙیکھدیں ای اندھادھند فائرنگ شروع کر ݙتی جئیں تے پولیس جوابی فائرنگ کیتی۔ فائرنگ دے تبادلے اچ ترائے خطرناک ڈاکو فائرنگ دے تبادلے اچ ہلاک تھی ڳئے۔ انہاں آکھیا جو ہلاک تھیوݨ آلے ملزماں دی سنڄاݨ رحمت اللہ عرف رانجھا سنجرانی، فہد عرف فہدی اتے آصف عرف حاجی سنجرانی دے نانواں نال تھئی اے جیڑھی جو تھاݨاں صدر تونسہ دی حدود اچ اے ایس آئی غلام شبیر اتے کانسٹیبل غلام فرید کوں شہید کرݨ اچ ملوث ہن۔ ایں موقع تے ڈی پی او ڈیرہ غازی خان سید علی آکھیا جو اے ایس آئی غلام شبیر اتے کانسٹیبل غلام فرید امن و امان کیتے ڈیرہ غازی خان اچ جرائم پیشہ عناصر دے خلاف نشابر کردار ادا کیتے۔
