ملکی اتے غیرملکی سرمایہ کاراں کوں پاکستان اچ آئی ٹی دے شعبے اچ ڳھٹ لاگت اتے محفوظ سرمایہ کاری دے موقع توں فیدہ چاوݨا چاہیدے، شزہ فاطمہ خواجہ

اسلام آباد۔29اپریل  (اے پی پی) وفاقی وزیر انفارمیشن ٹیکنالوجی تے ٹیلی کمیونیکیشن شزہ فاطمہ خواجہ آکھیا جو ملکی اتے غیرملکی سرمایہ کاراں کوں پاکستان اچ آئی ٹی دے شعبے اچ ڳھٹ لاگت اتے محفوظ سرمایہ کاری دے موقع توں فیدہ چاوݨا چاہیدے۔ حکومت سرمایہ کاراں کوں کاروبار کیتے سازگار ماحول ݙیوݨ کیتے ہرممکن اقدامات کریندی پئی اے، نو مہینے اچ آئی ٹی برآمدات اچ 25فیصد ودھارا تھیے، حکومت کیش لیس ٹرانزیکشن تے توجہ ݙتی ہوئی اے، گزریل سال انٹرنیٹ دے استعمال اچ پنجوی فیصد ودھارا تھیے۔ فورجی اتے فائیو جی  براڈ بینڈ دی توسیع کیتے 500میگاہرٹز سپیکٹرم دستیاب اے۔ اے ڳالھیں انہاں منگل کوں ڈیجیٹل فارن ڈائریکٹ  انویسٹمنٹ فورم توں خطاب کریندیں ہوئیں آکھی۔ انہاں آکھیا جو آئی ٹی دے شعبے دا فروغ حکومت دی پہلی ترجیح اے۔ شزہ فاطمہ خواجہ آکھیا جو پاکستان سافٹ ویئر ایکسپورٹ بورڈ 25 سافٹ ویئرز ٹیکنالوجی پارکس ٻݨائن۔ انہاں آکھیا جو گزریل سال انٹرنیٹ دے استعمال 25 فیصد ودھ ڳئے، یو ایس فنڈ 800 وستیاں اچ ہزاراں کلومیٹرز آپٹک کیبل وچھائی اے جئیں پاروں لکھاں لوکاں کوں انٹرنیٹ پڄایا ڳئے۔ ڈیجیٹل تعاون تنظیم  دی سیکرٹری جنرل  دیما ال یحیی ٰ  خطاب کریندیں ہوئیں آکھیا جو اسلام آباد اچ پہلے ڈیجیٹل غیر ملکی براہ راست سرمایہ کاری فورم 2025 اچ شامل تھیوݨ اعزاز دی ڳالھ اے۔ انہاں آکھیا جو پاکستان اچ پہلے ای 142 ملین توں ودھ براڈ بینڈ صارفین ہن، صرف پنڄ سالیں اچ سمارٹ فون دی رسائی 65 تئیں تقریباً دوگنی تی ڳئٰ اے اتے 2024 اچ آئی ٹی دی برآمدات 3.2 ارب ڈالر دا ودھارا تھیے۔ ایں موقع تے بین الاقوامی سرمایہ کاراں پاکستان اچ 70کروڑ ڈالر توں ودھ سرمایہ کاری کرݨ دا اعلان کیتے۔