اسلام آباد۔30اپریل (اے پی پی) وفاقی وزیر صحت سیدمصطفیٰ کمال آکھیا جو پاکستان، چین نال نجی شعبے دی سانجھ نال دوائی سازی اچ ٹیکنالوجی دی منتقلی چاہندے۔ پاکستان اچ پرائمری اتے ٹریژی ہیلتھ کیئر وچال خلا کوں ڳھٹ کرݨ کیتے ٹیلی میڈیسن ٻہوں ضروری اے۔ ایں شعبے اچ چین دے تجربیاں توں فیدہ چاتا ویندا پئے۔ بدھ کوں وزارت صحت توں جاری بیان موجب اے ڳالھیں انہاں شنگھائی تعاون تنظیم …
پاکستان، چین نال نجی شعبے دی سانجھ نال دوائی سازی اچ ٹیکنالوجی دی منتقلی چاہندے، مصطفیٰ کمال
اسلام آباد۔30اپریل (اے پی پی) وفاقی وزیر صحت سیدمصطفیٰ کمال آکھیا جو پاکستان، چین نال نجی شعبے دی سانجھ نال دوائی سازی اچ ٹیکنالوجی دی منتقلی چاہندے۔ پاکستان اچ پرائمری اتے ٹریژی ہیلتھ کیئر وچال خلا کوں ڳھٹ کرݨ کیتے ٹیلی میڈیسن ٻہوں ضروری اے۔ ایں شعبے اچ چین دے تجربیاں توں فیدہ چاتا ویندا پئے۔ بدھ کوں وزارت صحت توں جاری بیان موجب اے ڳالھیں انہاں شنگھائی تعاون تنظیم دی ہیلتھ کانفرنس اچ چین دے وزیرصحت نال ملاقات اچ ڳالھ مہاڑ اچ کیتی۔ ملاقات اچ ݙوہیں ملکاں وچال صحت دے شعبے اچ تعاون دے ودھارے، ٹیکنالوجی منتقلی اتے سرمایہ کاری دے وسیع امکانات تے ڳالھ کیتی۔ چینی نیشنل ہیلتھ منسٹر ولوں وفاقی وزیر دا پرتپاک استقبال کیتا ڳئیا اتے پاکستان کیتے نیک تمناواں دا اظہار کیتا۔ ملاقات وچال چینی وزیر صحت پاکستان اتے چین دی پراݨی دوستی دی تعریف کیتی۔ وفاقی وزیر صحت مصطفیٰ کمال کووڈ-19 اچ چین ولوں ݙتی ڳئی امداد، خصوصی طور ویکسین دی ویلھے تے ݙیوݨ تے شکریہ ادا کیتا۔ انہاں ٻیا آکھیا جو پاکستان اچ کئی دوائی ٻݨاوݨ آلی کمپنیاں مال چین توں منڳویندن، پاکستان چین نال نجی شعبے اچ سانجھی داری نال دوائی سازی اچ ٹیکنالوجی منڳدے، خصوصی طور ایکٹیو فارماسیٹیکلز انگریڈینٹس (اے پی آئز) دی مقامی پیداوار تے زور ݙتا ڳئیا۔ چینی وزیر صحت وفاقی وزیر صحت دی تجویزاں تے انہاں کوں پوری حمایت دا یقین ݙوایا۔ انہاں آکھیا جو پاکستان اتے چین وچال صحت دے شعبے اچ تعاون اتے تبادلیاں کوں ٻیا ودھایا ویسی۔
