اسلام آباد۔30اپریل (اے پی پی) نائب وزیر اعظم اتے وزیر خارجہ سینیٹر محمد اسحاق ڈار آکھیا جو پاکستان اچ ٻاہرلی سرمایہ کاری دے ٻہوں موقع موجود ہن، پائیدار اتے منافع بخش ترقی کیتے ماحول سازگار اے۔ اے ڳالھیں انہاں بدھ کوں "ڈیجیٹل فارن ڈائریکٹ انوسٹمنٹ فورم 2025" توں خطاب کریندیں ہوئیں آکھی۔ انہاں آکھیا جو اے فورم پاکستان دے نیشنل ڈیجیٹل ویثرن نال ملدے۔ نائب وزیر اعظم اتے وزیر خارجہ …
پاکستان اچ ٻاہرلی سرمایہ کاری دے ٻہوں موقع موجود ہن، پائیدار اتے منافع بخش ترقی کیتے ماحول سازگار اے، نائب وزیر اعظم سینیٹر محمد اسحاق ڈار
اسلام آباد۔30اپریل (اے پی پی) نائب وزیر اعظم اتے وزیر خارجہ سینیٹر محمد اسحاق ڈار آکھیا جو پاکستان اچ ٻاہرلی سرمایہ کاری دے ٻہوں موقع موجود ہن، پائیدار اتے منافع بخش ترقی کیتے ماحول سازگار اے۔ اے ڳالھیں انہاں بدھ کوں “ڈیجیٹل فارن ڈائریکٹ انوسٹمنٹ فورم 2025” توں خطاب کریندیں ہوئیں آکھی۔ انہاں آکھیا جو اے فورم پاکستان دے نیشنل ڈیجیٹل ویثرن نال ملدے۔ نائب وزیر اعظم اتے وزیر خارجہ سینیٹر محمد اسحاق ڈار آکھیا جو ڈی ایف ڈی آئی پاکستان دے آئی ٹی دے شعبہ بارے اہم سنگ میل اے۔ انہاں ترقی کیتے ڈیجیٹل انفراسٹرکچر دی لوڑھ تے زور ݙیندیں ہوئیں آکھیا جو عالمی منڈی تئیں رسائی کیتے ڈیجاٹزیشن ٻہوں ضروری اے۔ نائب وزیر اعظم آکھیا جو مصنوعی ذہانت اتے آئی ٹی پاکستان دی معیشت کوں نویں شکل ݙیندی پئی اے۔ انہاں آکھیا جو اڄ دنیا اچ ڈیجیٹل معیشت ودھدی پئی اے۔ سینیٹر محمد اسحاق ڈار آکھیا جو اساں کنے نوجوان ڈیجیٹل فورس موجود اے، ڈیجیٹل نیشن پاکستان ایکٹ ڈیجیٹلیشن بارے نشابر قانون سازی اے۔ پاکستان ڈی سی او دی صدارت سنبھالݨ دی تیاری کریندا پئے۔ محمد اسحاق ڈار ڈیجیٹل فارن ڈائریکٹ انویسٹمنٹ فورم دے شرکاء دا خیر مقدم کیتا۔ وفاقی دارالحکومت اسلام آباد اچ تھیوݨ آلے فورم اچ مختلف ملکاں دے وفود شریک تھیندے پئن جݙانجو وݙی تعداد اچ ملکی اتے غیر ملکی کمپنیاں اتے اسٹارٹ اپ آپݨی مصنوعات دی نمائش کریندی پئن۔ ڈی ایف ڈی آئی فورم 2025 دا اہتمام وزارت آئی ٹی اتے ٹیلی کمیونیکیشن ڈیجیٹل کوآپریشن آرگنائزیشن (ڈی سی او) دے تعاون نال کیتے۔
