وزیراعظم شہباز شریف دا ڈیجیٹل انوسٹمنٹ فورم اچ آئی ٹی دے شعبے اچ مجموعی طور 70 کروڑ ڈالر دی سرمایہ کاری دا خیر مقدم

اسلام آباد۔30اپریل  (اے پی پی) وزیراعظم محمد شہباز شریف ڈیجیٹل  انوسٹمنٹ فورم اچ  آئی ٹی دے شعبے اچ مجموعی طور 70 کروڑ ڈالر دی سرمایہ کاری دا خیر مقدم کریندیں ہوئیں آکھیا جو پاکستانی قوم نہ صرف ملکی بلکہ عالمی معیشت دی ترقی اچ مرکزی کردار ادا کرݨ دی صلاحیت موجود اے، حکومت آئی ٹی اتے ٻئے شعبیاں اچ اصلاحات دے عمل اچ پاکستانی سرمایہ کار برادری کوں شامل کرݨ کوں ترجیح ݙیسی۔ بدھ کوں وزیر اعظم میڈیا آفس توں جاری بیان موجب وزیراعظم محمد شہباز شریف دی صدارت ایف بی آر اچ ڈیجیٹل تے ٻئی اصلاحات دے عمل اچ سرمایہ کاراں دی شمولیت اتے موقعیاں بارے اجلاس تھیا۔ اجلاس اچ وزیر خزانہ محمد اورنگزیب، وزیر آئی ٹی شزا فاطمہ خواجہ، سیکرٹری جنرل ڈیجیٹل کوآپریشن آرگنائزیشن دیمہ   الیحییٰ    ، بین الاقوامی آئی ٹی کمپنیاں دے سی ای او اتے متعلقہ اداریاں دے افسر شریک تھیے۔ وزیراعظم ڈیجیٹل کوآپریشن کانفرنس دے تحت تھیوݨ آلی ڈیجیٹل  انوسٹمنٹ فورم اچ پاکستان دے آئی ٹی شعبے اچ مجموعی طور ستر کروڑ ڈالر دی سرمیہ کاری دی تعریف کیتی۔ انہاں آکھیا جو پاکستانی قوم نہ صرف ملکی بلکہ عالمی معیشت دی ترقی اچ مرکزی کردار ادا کرݨ دی صلاحیت موجود اے، حکومت آئی ٹی اتے ٻئے شعبیاں اچ اصلاحات دے عمل اچ پاکستانی سرمایہ کار برادری کوں شامل کرݨ کوں ترجیح ݙیسی۔ اجلاس اچ شرکا کوں ایف بی آر اچ ڈیجیٹل اصلاحات دے مختلف مراحل اتے ایندے اچ موجود سرمایہ کاری دے موقعیاں بارے ݙسیا ڳئیا۔ اجلاس کوں ݙسیا ڳئیا جو ۔ایف بی آر اچ ڈیجیٹل مانیٹرنگ، ٹریک اینڈ ٹریس، ڈیجیٹل تحقیق تے تجزیات اتے ٻئی اصلاحات تے کم کیتا ویندا پئے۔  ایف بی آر اچ ڈیجیٹل انوائسنگ، فیس لیس ٹیکنالوجی، کارگو ٹریکنگ اتے ٻئی ڈیجیٹل اصلاحات اچ مجموعی طور 10 کروڑ ڈالر توں ودھ دی سرمایہ کاری دے موقع موجود ہن۔