پہلگام واقعہ بارے بھارتی اقدامات مشکوک، جلدی اچ ٻݨائی ایف آئی آر کئی سوالات کھڑے کر ݙتن، ترجمان دفتر خارجہ

اسلام آباد۔30اپریل(اے پی پی)پاکستان پہلگام واقعہ کوں مشکوک اتے ناقابل یقین قرار ݙیندے آکھیے جو پہلگام واقعہ بارے بھارتی اقدامات معاملے کوں مشکوک ٻݨا ݙتے، جلدی اچ ٻݨائی ایف آئی آر اتے بغری شواہد دے بے بنیاد الزامات کئی سوالات کھڑے کر ݙتن۔ اسلام آباد اچ وزیراعظم اتے وزیر خارجہ سینیٹر اسحاق ڈار اتے ڈی جی آئی ایس پی آر لیفٹیننٹ جنرل احمد شریف نال مشترکہ پریس کانفرنس کریندے ترجمان دفتر خارجہ شفقت علی خان آکھیے جو پہلگام واقعہ بارے ساری صورتحال مشکوک اے، پہلگام دا رستہ اتنا اوکھا اتے پاکستان دی سرحد توں پریں ہووݨ دے باوجود واقعے دی ایف آئی آر دا صرف ݙاہ منٹ اچ درج تھیوݨ اتے بغیر شواہد دے پاکستان تے الزامات لا ݙیوݨ سب کڄھ ناقابل یقین اتے مشکوک اے۔ انہاں آکھیا جو ݙیکھݨا ہوسی جو ایںو اقعے دے پچھو مقاصد کیا ہین، لڳدا ایویں اے جو ایندا ہکو ٹارگٹ صرف پاکستان اے، بھارت کوں واقعے دی شفاف اتے غیر جانبدارانہ تحقیقات دی پیشکش دا مثبت ولدا ݙیوݨا چاہیدے۔