اسلام آباد۔1مئی (اے پی پی) وفاقی پارلیمانی سیکرٹری انسانی حقوق صبا صادق آکھیا جو حکومت محنت کش طبقے دی فلاح و بہبود کیتے جو تھی سڳے کریسی۔ مزدوراں دے جڳ ݙیھاڑ تے سنیھے اچ انہاں آکھیا جو مزدوراں کیتے ڳھٹ توں ڳھٹ اجرت دے قانون تے عملدرآمد کوں یقینی ٻݨاوݨ کیتے کم کریندے پئیوں۔ انہاں آکھیا جو تیز رفتار، جامع اتے پائیدار ترقی دا ہدف محنتی، وقف اتے پرعزم افرادی …
حکومت محنت کش طبقے دی فلاح و بہبود کیتے جو تھی سڳے کریسی، وفاقی پارلیمانی سیکرٹری انسانی حقوق صبا صادق دا مزدوراں دے جڳ ݙیھاڑ تے سنیھا
اسلام آباد۔1مئی (اے پی پی) وفاقی پارلیمانی سیکرٹری انسانی حقوق صبا صادق آکھیا جو حکومت محنت کش طبقے دی فلاح و بہبود کیتے جو تھی سڳے کریسی۔ مزدوراں دے جڳ ݙیھاڑ تے سنیھے اچ انہاں آکھیا جو مزدوراں کیتے ڳھٹ توں ڳھٹ اجرت دے قانون تے عملدرآمد کوں یقینی ٻݨاوݨ کیتے کم کریندے پئیوں۔ انہاں آکھیا جو تیز رفتار، جامع اتے پائیدار ترقی دا ہدف محنتی، وقف اتے پرعزم افرادی قوت پاروں حاصل کیتا ونڄ سڳدے۔ انہاں آکھیا جو وفاقی حکومت صوبائی حکومتاں دے تعاون نال مزدوراں اتے انہاں دے ٹبراں دی فلاح بہبود کیتے پرعزم اے۔ انہاں آکھیا جو تریمتیں سودھے محنت کش کارکناں دی محنت کوں خراج تحسین پیش کریندوں اتے آکھیا جو انہاں پاروں معیشت اڳوں ودھدی پئی اے۔ انہاں آکھیا جو کم دے محفوظ اتے صحت مند ماحول کوں یقینی ٻݨاوݨ دے نال نال کارکناں کیتے مناسب تربیت دی ضمانت ݙیوݨ کیتے اصلاحات جاری ہن۔ صبا صادق آکھیا جو حکومت نینگراں کوں مختلف مہارتاں دی تربیت ݙیندی پئی اے۔ انہاں ورک فورس دے حقوق دےتحفط اتے انہاں کوں ودھ توں ودھ سہولتاں ݙیوݨ کیتے حکومت دا عزم کیتا۔
