اسلام آباد۔1مئی (اے پی پی سرائیکی سروس) اکادمی ادبیات پاکستان پشاور ولوں ڈوں ڈینھ دی صوبائی کانفرنس عنوان ”ادبیات خیبرپختونخوا: معاصر تناظر“ دا اہتمام کیتا گیا جیندے اچ گورنر خیبرپختونخوا فیصل کریم کنڈی خصوصی شرکت کیتی تے سرائیکی لکھاریاں تے شاعریں وی نمائندگی کیتی ۔اکادمی ادبیات پاکستان (پشاور) دی کانفرنس کامیابی نال توڑ کوں پج گئی جیندے اچ علمی تے فکری خیبرپختونخوا دے زرخیز ادبی ورثے تے لسانی تنوع کوں عصری تناظرات اچ پرکھنڑ کیتے چھ دقیق تے موضوعاتی اجلاس رکھئے گئے ہن جیں اچ ”فروغِ امن میں خیبرپختونخوا کے ادب کا کردار،“ ”خیبرپختونخوا میں فکشن کے امکانات،“ ”خیبرپختونخوا میں شعر و سخن کے آفاق،“ ”خیبرپختونخوا میں غیر افسانوی اور بچوں کا ادب،“ ”خیبرپختونخوا کی زبانیں اور ان کا ادب“ اتے ”تھیٹر، ڈراما اور فلم: خیبرپختونخوا کا منظرنامہ“ شامل ہن ۔ سرائیکی زبان ملک دے بنھاں صوبیاں دے نال خیبرپختونخوا دے کئی شہراں (دیرہ اسماعیل خان، ٹانک ) اچ بولی ویندی اے ایں سانگے اکادمی دی ڈوں ڈینھ دی کانفرنس دے اجلاسیں اچ پشتو، ہندکو، اردو کھوار، دمیلی تے ڈوجھیاں زباناں دے علاوہ سرائیکی زبان دے لکھاری دانشور تے شاعریں کوں وی دعوت ڈتی گئی ہئی جنھاں آپدی علمی، فکری اور تخلیقی مباحث ذریعے کانفرنس کو ہک اعلیٰ علمی روایت اچ ڈھال تےسوہنڑاں بنڑا ڈتا امر ۔ڈاکٹر سعدیہ کمال
