صدر آصف علی زرداری نال وزیراعظم شہباز شریف دی ملاقات، پہلگام حملے دے بعد بھارت نال کشیدگی پاروں اڄوکی سکیورٹی صورتحال تے ڳالھ مہاڑ

اسلام آباد۔1مئی  (اے پی پی) صدر مملکت آصف علی زرداری نال  وزیراعظم محمد شہباز شریف ایوان صدر اچ ملاقات کیتی اتے پہلگام حملے دے بعد بھارت نال کشیدگی پاروں اڄوکی سکیورٹی صورتحال تے ڳالھ کیتی۔ ایوان صدر دے پریس ونگ توں خمیس کوں جاری اعلامیہ موجب ملاقات اچ نائب وزیر اعظم تے وزیر خارجہ سینیٹر محمد اسحاق ڈار اتے وزیر قانون و انصاف سینیٹر اعظم نذیر تارڑ وی موجود ہن۔ ملاقات اچ پہلگام حملے دے بعد بھارت نال کشیدگی پاروں اڄوکی سکیورٹی صورتحال تے ڳالھ مہاڑ کیتی ڳئی۔ ݙوہیں رہنماواں بھارت دے جارحانہ رویہ اتے اشتعال انگیز بیانات تے تشویش کیتی۔ اعلامیہ اچ آکھیا ڳئیا جو بھارتی رویے نال علاقائی امن اتے استحکام کوں خطرہ اے۔ پاکستان ملک دی علاقائی سالمیت اتے خودمختاری تے کݙاہیں سمجھوتہ نہ کریسی۔ اعلامیہ اچ آکھیا ڳئیا جو پاکستان کہیں وی جارحیت دا منہ ٻھن جواب ݙیسی۔ پاکستانی قوم متحد اتے مسلح فوج نال کھڑی اے۔ اعلامیہ اچ بھارت ولوں پہلگام حملے تے بھارتی قیادت ولوں بغیر کہیں تحقیق دے لاتے ڳئے الزام تے افسوس کیتا۔ اعلامیہ اچ آکھیا ڳئیا جو پاکستان ݙو ݙہاکیاں توں دہشت گردی دا شکار رہیے، ٻہوں انسانی اتے معاشی نقصان تھیے۔ عالمی برادری دہشت گردی دی کاروائیاں کیتے پاکستان اچ عسکریت پسنداں کوں فنڈنگ، تربیت اتے ٻھیجݨ اچ بھارت دے ملوث ہووݨ دا نوٹس ڳھنے۔ ملاقات اچ کشمیری عوام دے حق خودارادیت کیتے سلامتی کونسل دی قرارداداں تے عمل درآمد دی فوری لوڑھ تے زور ݙتا ڳئیا۔