بلوچستان اتے فاٹا دے 333 طلبا دے داخلہ دا مسئلہ حل تھی ڳئے، مصطفیٰ کمال

اسلام آباد۔2مئی  (اے پی پی) وفاقی وزیر برائے صحت مصطفیٰ کمال آکھیا جو بلوچستان اتے فاٹا دے 333 طلبا دے داخلہ دا مسئلہ حل تھی ڳئے۔ بھارت بھڑکاں مریندا پئے، اساݙا کڄھ نی وگاڑ سڳدا۔ جمعے کوں پاکستان میڈیکل اینڈ ڈینٹل  کونسل اچ پریس کانفرنس توں خطاب کریندیں ہوئیں انہاں آکھیا جو میں پی ایم ڈی سی اچ ہک ٻہوں گھمبیر مسئلے دے سلسلہ اچ آیاں جو حل تھی ڳئے۔ ہک ٹاں فاٹا دے ضم تھیوݨ آلے طلبا دا مسئلہ ہئی اتے ٻیا بلوچستان دے میڈیکل دے طلبہ دا ہئی۔ انہاں آکھیا جو پاکستان دے قانون دے مطابق ݙتی ڳئی سیٹاں دے علاوہ کوئی ٻئی سیٹ نی ݙتی وںڄ سڳدی ہن پر انہاں طلبا دے ایڈمیشن دا مسئلہ وی ہئی۔ انہاں آکھیا جو میڈیکل دے 190 طلبا کیتے اساں ودھیکی سیٹاں ݙتن جئیں تے او پی ایم ڈی سی دی ٹیم دا شکریہ ادا کریندن۔  پی ایم ڈی سی ایں بارے  نوٹیفیکیشن ݙو ݙینھ پہلے ای جاری کر ݙتا ہئی۔ انہاں آکھیا جو بلوچستان اتے فاٹا دے 333 طلبا دے داخلہ دا مسئلہ حل تھی ڳئے۔