اسلام آباد۔2مئی(اے پی پی) نائب وزیراعظم/وزیر خارجہ سینیٹر محمد اسحاق ڈار ڈنمارک دے وزیر خارجہ لارس لوکے راسموسن نال ٹیلی فون تے ڳالھ مہاڑ کیتی ۔ دفتر خارجہ موجب نائب وزیراعظم / وزیر خارجہ راسموسن کوں بدلدی علاقائی صورتحال اتے بھارت دے بے بنیاد الزامات اتے ایں دے یکطرفہ اتے اشتعال انگیز اقدامات دے جواب اچ پاکستان دی قومی سلامتی کمیٹی دے اقدامات دا ݙسائے۔ انہاں سندھ طاس معاہدے کوں …
نائب وزیراعظم سینیٹرمحمد اسحاق ڈار دی ڈنمارک دے وزیر خارجہ نال ٹیلی فون تے ڳالھ مہاڑ
اسلام آباد۔2مئی(اے پی پی) نائب وزیراعظم/وزیر خارجہ سینیٹر محمد اسحاق ڈار ڈنمارک دے وزیر خارجہ لارس لوکے راسموسن نال ٹیلی فون تے ڳالھ مہاڑ کیتی ۔ دفتر خارجہ موجب نائب وزیراعظم / وزیر خارجہ راسموسن کوں بدلدی علاقائی صورتحال اتے بھارت دے بے بنیاد الزامات اتے ایں دے یکطرفہ اتے اشتعال انگیز اقدامات دے جواب اچ پاکستان دی قومی سلامتی کمیٹی دے اقدامات دا ݙسائے۔ انہاں سندھ طاس معاہدے کوں التواء اچ رکھݨ دے بھارت دے فیصلے کوں سختی نال مسترد کیتے جیڑھا معاہدے دی دفعات اتے بین الاقوامی قوانین دی صریح خلاف ورزی اے۔ نائب وزیراعظم ڳالھ مہاڑ اچ علاقائی امن و سلامتی، اپݨی خودمختاری تے قومی مفادات دے تحفظ سانڳے پاکستان دے کردار اتے عزم دا ذکر کیتے۔ وزیرخارجہ راسموسن کشیدگی اچ ودھارے تے تشویش دا اظہار کریندے ݙوہیں فریقاں دی طرفوں تحمل دا مظاہرہ کرݨ دی اہمیت تے زور ݙتے ۔ ݙوہیں رہنماواں اقوام متحدہ دی سلامتی کونسل دے غیر مستقل رکن دی حیثیت نال علاقائی تےعالمی پیش رفتاں تے سلامتی کونسل اچ نیڑے رابطہ برقرار رکھݨ تے اتفاق کیتے۔ انہاں ݙوپاسے تعاون کوں تکڑا بݨاوݨ تے خاص طور تے معیشت اتے سرمایہ کاری دے شعبیں دے نال نال اعلیٰ سطح دے تبادلیں کوں ودھارا ݙیوݨ تے اتفاق کیتے۔
